Allu Arjun Voting: સાઉથ સ્ટાર અલ્લૂ અર્જુને મતાધિકારનો ઉપયોગ કર્યો

Lok Sahba Election 2024: લોકસભા ચૂંટણી 2024ના ચોથા તબક્કા માટે આજે મતદાન થઇ રહ્યું છે. ચોથા તબક્કામાં 10 રાજ્યોની 96 સીટ પર મતદાન ચાલી રહ્યું છે. જેમાં તેલંગાણાની 17 સીટ પર પણ આજે મતદાન થઇ રહ્યું છે. ત્યારે સાઉથ ફિલ્મ ઈન્ડસ્ટ્રીના સુપર સ્ટાર અલ્લૂ અર્જુને આજે હૈદરાબાદના જ્યુબિલી હિલ્સ પર આવેલ પોલિંગ બૂથ પર મતદાન કરી પોતાના મતાધિકારનો ઉપયોગ કર્યો.

નોંધનીય છે કે ગત દિવસોમાં અલ્લૂ અર્જુનની મુશ્કેલીમાં વધારો થયો હતો જ્યારે તેઓ YSRCPના ધારાસભ્ય રવિ ચંદ્ર કિશોર રેડ્ડીને મળવા તેમના ઘરે પહોંચ્યા હતા. અહેવાલ મુજબ અલ્લૂ અર્જુને રેડ્ડીને મળવા માટે તેમના ઘરે જવાના હોવાની સૂચના મતક્ષેત્રના રિટર્નિંગ ઑફિસરને આપો નહોતી, જે બદત તેમની વિરુદ્ધ મામલો નોંધવામાં આવ્યો હતો.

#WATCH | Telangana: Actor Allu Arjun casts his vote at a polling booth in Jubilee Hills, Hyderabad.

#LokSabhaElections2024 pic.twitter.com/M0yhR7XLeP

— ANI (@ANI) May 13, 2024

અલ્લુ અર્જુન પોતાના પોલિંગ બૂથ પર પહોંચતા જ બાઉન્સરોથી ઘેરાઈ ગયા હતા. તે કતાર છોડીને સૌની આગળ ઉભા રહી ગયા હતા. વીડિયોમાં તે પોતાના વોર્ડમાં લોકોને શુભેચ્છા પાઠવતા પણ જોવા મળે છે.

પોતાનો મત આપ્યા બાદ અલ્લુ અર્જુને મીડિયાને સંબોધન કર્યું અને સ્પષ્ટ કર્યું કે તે કોઈપણ પક્ષ સાથે જોડાયેલો નથી. તેમણે કહ્યું, "કૃપા કરીને તમારો મત આપો. મતદાન કરવું આપણી જવાબદારી છે. ખુબ ગરમી છે હું જાણું છું, પરંતુ આજનો દિવસ આપણું ભવિષ્ય નક્કી કરશે એટલે મતદાન જરૂર કરો."

તેમણે વધુમાં કહ્યું કે, "હું કોઈપણ પક્ષ સાથે જોડાયેલો નથી. હું તટસ્થ છું. જે મારી નજીક છે તે તમામને હું સમર્થન આપીશ. મારા કાકા, મારા મિત્ર અને મારા સસરા બધા રાજકારણમાં છે. નંદયાલા પ્રચાર અંગે મેં મારા મિત્રને લાંબા સમય પહેલા વચન આપ્યું હતું, તેથી હું અને મારી પત્ની તેને વ્યક્તિગત રીતે મળ્યા હતા."

English summary

Allu Arjun casts his vote from jubilee hills poling booth for lok sabha election 2024