એયરો ઈન્ડિયા 2021માં ભારતનો મહત્વનો પાર્ટનર હશે અમેરિકા

Aero India 2021, બેંગ્લોરમાં એયરો ઈન્ડિયા શો 3 ફેબ્રુઆરીથી 5 ફેબ્રુઆરી સુધી આયોજિત થશે. આ વખતે શોમાં અમેરિકા ભારતનું મહત્વનું પાર્ટનર છે. એયરો ઈન્ડિયા 2021માં અમેરિકાની ભાગીદારી સંયુક્ત રાજ્ય અમેરિકા અને ભારત વચ્ચે રક્ષા અને રણનૈતિક ભાગીદારીનું વધુ એક ઉદાહરણ છે. વિદેશ મામલાના અધિકારી ડૉન હેફ્લિન અમેરિકી સરકારી અધિકારીઓ અને રક્ષા ઉદ્યોગના પ્રતિનિધિઓના એક ઉચ્ચ સ્તરીય પ્રતિનિધિમંડળનું નેતૃત્વ કરશે. એયરો ઈન્ડિયા 2021માં અમેરિકાની ભાગીદારી આપણા તેજીથી વધતા દ્વિપક્ષીય રક્ષા સંબંધો અને સ્વતંત્ર અને ખુલ્લા ભારત-પ્રશંસા ક્ષેત્રના આપણા સંયુક્ત દ્રષ્ટિકોણને દર્શાવે છે.

હેફ્લિને કહ્યું કે અમેરિકી પ્રતિનિધિમંડળનું નેતૃત્વ કરવાની મને ખુશી છે. જે એયરો ઈન્ડિયામાં યૂએશ-ભારત વચ્ચે રક્ષા સહયોગને મજબૂત કરવા માટે અમારી નિરંતર પ્રતિબદ્ધતા દર્શાવે છે. અમેરિકી ભાગીદારી એયરો ઈન્ડિયા 2021માં અમેરિકી ઉદ્યોગ અને અમેરિકી સૈન્ય સેવાઓને મજબૂત કરવાનો અવસર પ્રદાન કરે છે. બંને દેશની સેનાઓ ઈન્ડો- પેસિફિકમાં એક નિયમ આધારિત આંતરરાષ્ટ્રીય આદેશને બનાવી રાખવા માટે એક સાથે કામ કરે છે.

અમેરિકાના આ પ્રતિનિધિમંડળનું નેતૃત્વ ડૉન હેફ્લિન કરી રહ્યા છે, આ શિષ્ટમંડળમાં કેલી એળ સેબોલ્ટ, લેફ્ટિનેંટ જનરલ ડેવિડ એ ક્રુમ, મેજર જનરલ માર્ક ઈ વેદરિંગટન, બ્રિગેડિયર જનરલ બ્રાયન બ્રુકબૉયર, જુડિથ રવિન, ચેન્નઈમાં અમેરિકી મહાવાણિજ્યદૂત હિત કેટલાય અધિકારીઓ સામેલ છે.

અગ્રણી અમેરિકી રક્ષા કંપનીઓ પણ એયરો ઈન્ડિયા 2021માં ભાગ લઈ રહી છે. જેમાં એયરોસ્પેસ ક્વૉલિટી રિસર્ચ એન્ડ ડેવલપમેન્ટ એલએલસી, એરબોર્ન ઈંક, બોઈંગ, IEH કોર્પોરેશન, GE એવિએશન, જનરલ એટોમિક્સ, હાઈ ટેક ઈમ્પોર્ટ એક્સપોર્ટ કોર્પોરેશન, એલ3 હૈરિસ, Laversab India, લૉકહીટ માર્ટિન, Raytheon અને Trakka Systems સામેલ છે.

કોવિડ 19ની અસર આ વખતે એયરો ઈન્ડિયા શો પર પણ સ્પષ્ટ જોવા મળી રહી છે. કોરોનાને પગલે બે વર્ષમાં એકવાર થનાર એયરો ઈન્ડિયા શોને આ વખતે પાંચ દિવસથી ઘટાડીને ત્રણ દિવસ કરી દેવામાં આવી છે એટલે કે સામાન્ય લોકો આ વખતે પાછલા એયરો શોની જેમ હવાઈ કરતબ, એયર ફોર્સ સ્ટેશન પર નહિ જોઈ શકે. બેંગ્લોર એયરો ઈન્ડિયા શો 3 ફેબ્રુઆરીથી 5 ફેબ્રુઆરી સુધી આયોજિત થશે.

English summary

America will be India's major defense partner in Aero India 2021