પંજાબ પોલીસથી બચવુ મુશ્કેલ, આજે આત્મસમર્પણ કરી શકે છે અમૃતપાલ સિંહ: સુત્રો
પંજાબ પોલીસથી ભાગી રહેલા 'વારિસ પંજાબ દે' ચીફ અને ખાલિસ્તાન સમર્થક અમૃતપાલ સિંહ વિશે મોટા સમાચાર આવી રહ્યા છે. પોલીસના જણાવ્યા અનુસાર અમૃતપાલ સિંહ પણ પંજાબમાં છુપાયેલો છે. સૂત્રોના જણાવ્યા અનુસાર ભાગેડુ અમૃતપાલ બુધવારે પંજાબ પોલીસ સમક્ષ આત્મસમર્પણ કરી શકે છે. અમૃતસર સુવર્ણ મંદિરમાં આત્મસમર્પણના અહેવાલો વચ્ચે સુરક્ષા એજન્સીઓ અને પોલીસ એલર્ટ થઈ ગઈ છે.
સુવર્ણ મંદિરમાં કરી શકે છે આત્મસમર્પણ
પંજાબ પોલીસની ટીમો સુવર્ણ મંદિરની આસપાસ હાજર છે, સાથે જ સમગ્ર અમૃતસરમાં સુરક્ષા કડક કરવામાં આવી છે. સમગ્ર શહેરમાં નાકાબંધી કરીને દરેક વાહનોની તલાશી લેવામાં આવી રહી છે. કહેવામાં આવી રહ્યું છે કે આજે અમૃતપાલ સિંહ અમૃતસરના અકાલ તખ્ત સાહિબ ખાતે આત્મસમર્પણ કરી શકે છે.
12 દિવસ સુધી સર્ચ ઓપરેશન ચાલુ
પંજાબ પોલીસ ભાગેડુ જાહેર કરાયેલા અમૃતપાલને 12 દિવસથી શોધી રહી હતી. ક્યારેક દિલ્હીથી તો ક્યારેક પંજાબના ગામડાઓમાંથી અમૃતપાલ સિંહના ફૂટેજ સામે આવ્યા છે. મંગળવારે રાત્રે પણ પંજાબના હોશિયારપુર અને તેની નજીકના વિસ્તારોમાં મોટા પાયે ઓપરેશન હાથ ધરવામાં આવ્યું હતું.
પોલીસથી ભાગી રહ્યો છે અમૃતપાલ સિંહ
અમૃતપાલ સિંહને પકડવા માટે પંજાબ પોલીસ દ્વારા સમગ્ર રાજ્યથી આસપાસના રાજ્યોમાં એક મોટું સર્ચ ઓપરેશન ચાલી રહ્યું છે. અમૃતપાલ સિંહ 18 માર્ચથી ફરાર છે. અજનલા પોલીસ સ્ટેશન હુમલા કેસમાં પંજાબ પોલીસની કાર્યવાહી બાદથી તે ફરાર છે. અને પોલીસ કાર્યવાહીથી બચી રહ્યો છે. પોલીસે 18 માર્ચે 120 થી વધુ લોકોની ધરપકડ કરી હતી, જેમાંથી 7 લોકો અમૃતપાલ સિંહના ગનમેન છે.
Click it and Unblock the Notifications
Sign in with Google
