આવક કરતા વધું સંપતિ મામલે જગનને ના મળી બેલ

હૈદરાબાદ, 24 ડિસેમ્બર: આંધ્રપ્રદેશ હાઇકોર્ટે આવક કરતા વધુ સંપતિ મામલે સોમવારે વાઇએસઆર કોંગ્રેસ પાર્ટીના નેતા વાઇ એસ જગનમોહન રેડ્ડીની જામિન અરજીને ફગાવી દીધી છે. ન્યાયમૂર્તિ બી સેષાસાયન રેડ્ડીએ ગુરુવારે પોતાનો આદેશ મોકૂફ રાખ્યો હતો. આજે સોમવારે તેની સુનવણી કરતા કોર્ટે તેમની અરજીને ફગાવી દીધી હતી.

જોકે અદાલતે આપેલો આ નિર્ણય જગમોહન માટે વધુ એક ઝટકા સમાન છે. આ પહેલા કેન્દ્રીય તપાસ બ્યૂરો (સીબીઆઇ)ના મામલાની સુનવણી કરનાર એક વિશેષ કોર્ટે એક મહિના પહેલા તેમની બે જમાનત અરજીઓ ફગાવી દીધી હતી.

અત્રે ઉલ્લેખનીય છે કે આંધ્ર પ્રદેશના ભૂતપૂર્વ મુખ્યમંત્રી સ્વર્ગીય વાઇ એસ રાજશેખર રેડ્ડીના પુત્ર અને કડપ્પા સીટથી સાંસદ જગમોહનને સીબીઆઇએ આ વર્ષે મે માસમાં અપ્રમાણસર સંપતિના મામલે ધરપકડ કરી હતી.

ગુજરાતી વનઇન્ડિયાના દૈનિક ન્યુઝ લેટર પર સબસ્ક્રાઇબ થવા માટે અહીં ક્લિક કરો.

English summary

Andhra High Court dismisses Jaganmohan Reddy's bail plea in disproportionate assets case.