વાયુસેનાનું C-17 ગ્લોબમાસ્ટર વિમાન લેહ એરપોર્ટ પર રન વેમાં ફસાયુ, તમામ ફ્લાઈટો રદ્દ
ભારતીય વાયુ સેનાનું જંગી જહાર C-17 ગ્લોબમાસ્ટર વિમાન લેહ એરપોર્ટ પર ફસાયુ હોવાના અહેવાલ છે. અહેવાલો અનુસાર, આ વિમાન રન વે પર ફસાતા અન્ય વિમાનોની અવરજવર પ્રભાવિત થઈ છે.
સમાચારો અનુસાર, વિમાનમાં ટેકનિકલ ખરાબીને કારણે લેહ એરપોર્ટના રન પર ફસાયુ છે. વિમાન ફસાતા એરપોર્ટ પર આવતી અન્ય ફ્લાઈટ પ્રભાવિત થઈ છે અને આવતી-જતી તમામ ફ્લાઈટને કેન્સલ કરવામાં આવી છે.
જણાવી દઈએ કે, લેહ એરપોર્ટ પર પ્લેન ટેકઓફ અને લેન્ડ કરવા માટે માત્ર એક જ રનવે છે. એક જ રન વે હોવાને કારણે મોટી મુશ્કેલીઓ સર્જાઈ રહી છે. વાયુસેનાના C-17 ગ્લોબમાસ્ટર એરક્રાફ્ટમાં ખામી સર્જાતા હવે ખામી સુધારવાના પ્રયાસો કરવામાં આવી રહ્યા છે.
ભારતીય વાયુસેનાના અધિકારીઓના જણાવ્યા અનુસાર, વાયુસેનાનું સી-17 ગ્લોબમાસ્ટર એરક્રાફ્ટ લેહ એરપોર્ટના રનવે પર અટવાયું છે. વાયુસેનાના અધિકારીઓએ જણાવ્યું કે, C-17 ગ્લોબમાસ્ટરના કારણે રનવે બ્લોક થયો છે અને તેના કારણે અહીં એરક્રાફ્ટનું ટેકઓફ અને લેન્ડિંગ થઈ શકે તેમ નથી.
A C-17 heavy-lift transport aircraft is facing serviceability issues and is on the runway at Leh. The issue is in the process of being rectified and the runway is expected to be made available for flying by tomorrow morning: IAF officials pic.twitter.com/JfBveiCqjO
— ANI (@ANI) May 16, 2023
અધિકારીઓ અનુસાર, સમસ્યાના ઉકેલ માટે પ્રયાસો કરવામાં આવી રહ્યા છે. તેમણે આશા વ્યક્ત કરી કે બુધવારે સવાર સુધીમાં ફરી રનવે શરૂ થઈ જશે.
Click it and Unblock the Notifications
Sign in with Google
