6 રાજ્યોમાં વિધાનસભા પેટા ચૂંટણીની જાહેરાત,આ તારીખે યોજાશે મતદાન!
ચૂંટણી પંચે 6 રાજ્યોમાં પેટા ચૂંટણીની જાહેરાત કરી છે. મહારાષ્ટ્ર, હરિયાણા, બિહાર, તેલંગાણા, ઓડિશા અને ઉત્તરપ્રદેશની સાત વિધાનસભા બેઠકો પર આ પેટા ચૂંટણી યોજાશે.
નવી દિલ્હી, ઑક્ટોબર 03 : ચૂંટણી પંચે 6 રાજ્યોમાં પેટા ચૂંટણીની જાહેરાત કરી છે. મહારાષ્ટ્ર, હરિયાણા, બિહાર, તેલંગાણા, ઓડિશા અને ઉત્તરપ્રદેશની સાત વિધાનસભા બેઠકો પર આ પેટા ચૂંટણી યોજાશે. બિહારની બે બેઠકો જ્યાં પેટાચૂંટણી યોજાશે તે છે 178-મોકામા અને 101 ગોપાલગંજનો સમાવેશ થાય છે.
ચૂંટણી પંચના જણાવ્યા અનુસાર, જે વિધાનસભા મતવિસ્તારોમાં ચૂંટણી યોજાશે તેમા મહારાષ્ટ્રમાં 166 - અંધેરી પૂર્વ, 47-હરિયાણાના આદમપુર, 93-તેલંગાણાના મુનુગોડ, 139-ઉત્તર પ્રદેશના ગોલા ગોકરનાથ અને 46-ઓડિશાના ધામનગર બેઠકનો સમાવેશ થાય છે.
આ માટે ગેઝેટ નોટિફિકેશન 6 ઓક્ટોબરે બહાર પાડવામાં આવશે, જ્યારે સીટો પર મતદાન 3 નવેમ્બરે થશે અને પરિણામ 6 નવેમ્બરે જાહેર કરવામાં આવશે.
છ રાજ્યો માટે વિધાનસભા પેટાચૂંટણીના સમયપત્રકની જાહેરાત સાથે અધિકારીઓને સંબંધિત રાજ્યોમાં કોવિડની સ્થિતિ પર દેખરેખ રાખવા અને ચૂંટણી દરમિયાન કોવિડ-યોગ્ય વર્તનનું પાલન કરવાનો નિર્દેશ પણ આપ્યો હતો.