• search
For Quick Alerts
ALLOW NOTIFICATIONS  
For Daily Alerts

કુંભ મેળાના ઇનચાર્જ મંત્રી આઝમખાને ધર્યુ રાજીનામુ

|
azam khan
અલ્હાબાદ, 11 ફેબ્રુઆરી: રવિવારે મોડી સાંજે અલ્હાબાદના રેલવે સ્ટેશન પર મોતનો મહાતાંડવ સર્જાઇ ગયો. કરોડો ભક્તોની ભીડના કારણે અને રેલવે મેનેજમેન્ટની લાપરવાહીના કારણે થયેલી ભાગદોડના કારણે 36 લોકોના મોત થયા છે. આ ઘટનાની નૈતિક જવાબદારી યુપીના મંત્રી આઝમખાને કુંભમેળાના ઇનચાર્જ પદેથી પોતાનું રાજીનામું આપી દીધું છે.

આઝમખાને પોતાના રાજીનામા અંગે પત્રકારોને આપેલી માહિતીમાં જણાવ્યું હતું કે 'આ ઘટના કુંભમેળાની બહાર બનેલી હોવા છતા હું તેની નૈતિક જવાબદારી સ્વીકારી કુંભમેળાના ઇનચાર્જ પદેથી મારું રાજીનામુ આપું છું. મે મારુ રાજીનામુ મુખ્યમંત્રી અખિલેશ યાદવને મોકલાવી દીધું છે.'

આ ઘટના અલ્હાબાદના રેલવેસ્ટેશનના પ્લેટફોર્મ નંબર 6ની છે. જ્યા રવિવારે મોડી સાંજે ફૂટઓવર બ્રિજ પર બંને તરફથી ભીડ આમને સામને આવી જવાથી ભાગદોડ મચી ગઇ. રેલવે સ્ટેશન પર મૌની અમાવસનું સ્નાન કર્યા બાદ આ ભીડ અત્રે આવી પહોંચી હતી.

ઉત્તર પ્રદેશ રેલવેના મુખ્ય જનસંપર્ક અધિકારી સંદીપ માથુરે સોમવારે પત્રકારોને જણાવ્યું કે ઘટનામાં અત્યાર સુધી 36 લોકોના મોત થઇ ચૂક્યા છે. મૃતકોમાં 16 મહીલાઓનો સમાવેશ થાય છે.

તેમણે જણાવ્યું કે મૃતકોમાં ફિલહાલ 20 લોકોની ઓળખ થઇ શકી છે. અન્ય 16ની ઓળખ કરવાનો પ્રયત્ન જારી છે. મૃતકોમાં બિહાર, મધ્યપ્રદેશ, રાજસ્થાન, મહારાષ્ટ્ર અને ઉત્તર પ્રદેશના લોકોનો સમાવેશ થાય છે. માથુરે જણાવ્યું કે 32 ઇજાગ્રસ્તોને રેલવે હોસ્પિટલ અને સ્વરૂપરાની નેહરુ જિલ્લા હોસ્પિટલમાં સારવાર માટે દાખલ કરવામાં આવ્યા છે. જેમાંથી કેટલાકની હાલત ગંભીર છે.

English summary
Azam Khan resigns as in charge of Kumbh over Allahabad stampede.
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more