'બાલ નરેન્દ્ર' : કોમિક બુકમાં નિર્ભિક કિશોર નરેન્દ્ર મોદીની કથા

અમદાવાદ, 31 માર્ચ : લોકસભા ચૂંટણી 2014નો માહોલ ગરમાયો છે. દેશમાં સૌથી વધારે ચર્ચા ભાજપના વડાપ્રધાન પદના ઉમેદવાર નરેન્દ્ર મોદીની થઇ રહી છે. વર્તમાન સમયમાં સૌ તેમના નિવેદનો અંગે ચર્ચા કરી રહ્યા છે. પરંતુ એક ગુજરાતી પ્રકાશન ગૃહ રાનડે પ્રકાશન દ્વારા તાજેતરમાં પ્રકાશિક કોમિક બુકમાં મહેનતી, નિર્ભિક, કરૂણાશીલ કિશોર નરેન્દ્ર મોદીની કથા રસપ્રદ રીતે કહેવામાં આવી છે.

આ 45 પૃષ્ઠોની કોમિક બુકમાં નરેન્દ્ર મોદીને એક મિત્રને ડૂબી જતા બચાવતા, મગર રહેતા હોય તેવા પાણીમાં તરતા, સૈનિકોને ચ્હા અને નાસ્તો પીરસતા, પિતાને કીટલી ચલાવવામાં મદદ કરતા, થિયેટરમાં નાટક કરતા, કબડ્ડીમાં ટીમને માટે વ્યૂહ ગોઠવતા દર્શાવવામાં આવ્યા છે.

અંગ્રેજી ભાષામાં પ્રકાશિત આ બુકમાં નરેન્દ્ર મોદીને નાનપણથી જ શિસ્તબદ્ધ જીવનના આગ્રહી હોવાનું દર્શાવવામાં આવ્યું છે. તેમાં તેઓ 6 સભ્યો એક જ ઓરડીમાં રહેતા હતા. તેઓ કપડાં કેવી રીતે ઇસ્ત્રી કરતા હતા. માતા દ્વારા તૈયાર કરવામાં આવતા આયુર્વેદિક ઓસડની પડીકીઓ તૈયાર કરતા પણ દર્શાવાયા છે. આવો જોઇએ કોમિક બુકમાં દર્શાવેલા તેમની કિશોરાવસ્થાના કેટલાક પ્રસંગો...