ભાજપની મહિલા નેતાના પુત્ર અને મિત્ર પર યૌન શોષણનો આરોપ
ઇંદોર, 26 ડિસેમ્બર: મધ્ય પ્રદેશમાં ફરી એકવાર ભાજપની સરકાર બની ગઇ છે. સરકાર બનાવાની સાથે જ ભાજપ નેતાઓની દાદાગીરી સામે આવી ગઇ છે. ઇંદોરમાં એક ચોંકાવનારી ઘટના સામે આવી છે. ભાજપની એક મહિલા નેતાના પુત્ર પર બળાત્કારનો ગંભીર આરોપ લાગ્યો છે.
ભાજપના નેતાના પુત્ર અને તેના મિત્ર પર બે તરૂણ છોકરીએ યૌન શોષણનો આરોપ લગાવ્યો છે. ભાજપ મહિલા મંચની જિલ્લાધ્યક્ષ મંજૂ જોશીના પુત્ર વિજય જોશી અને તેમના મિત્ર પર છોકરીઓની સાથે અશ્લિલ કરવાનો આરોપ લગાવ્યો છે. પોલીસ સૂત્રોનું માનીએ તો દેપાલપુર પોલીસમથકમાં વિજય જોશી અને નાગેશ્વર પાંચાલ પર બે તરૂણ છોકરીઓએ બળાત્કારનો આરોપ લગાવ્યો છે. બંને છોકરીઓને લલચાવી ફોસલાવી તેને ફરવા માટે સુમસામ પહાડી પર લઇ ગયા અને તેમની સાથે અશ્લીલ ચેનચાળા શરૂ કરી દિધા.
જો કે છોકરીઓએ હોબાળો મચાવતાં બંને ડરીને ત્યાંથી ભાગી ગયા હતા. પીડિત છોકરીઓએ પોલીસને આપેલા નિવેદન અનુસાર તે પહેલાંથી જ તેમને જાણતી હતી. છોકરીઓની ફરિયાદના આધારે વિજય અને નાગેશ્વર વિરૂદ્ધ આઇપીસી કલમ 354 (એ) (જાતીય સતામણી) અને લૈંગિક અપરાધોથી બાળકોના સંરક્ષણ અધિનિયમ 2012 હેઠળ કેસ દાખલ કરવામાં આવ્યો હતો. કેસ દાખલ કર્યા બાદ પોલીસ આરોપીઓની શોધમાં લાગી ગયા છે.