BJPની બેઠકમાં બોલ્યાં મોદી: હું નહીં બેસુ, બેસવા પણ નહીં દઉં

સંસદીય કમિટિની આ બેઠકમાં પીએમ મોદીએ ભાજપ નેતાઓને સ્પષ્ટ સંદેશો આપ્યો તથા અમિત શાહે કહ્યું કે, આપણે આ વિજય ગાથા વર્ષ 2019માં પણ ચાલુ રાખવાની છે.

5 રાજ્યોની વિધાનસભા ચૂંટણી ના પરિણામો બાદ ગુરુવારે ભારતીય જનતા પાર્ટી ના સંસદીય દળની બેઠક યોજાઇ હતી. આ બેઠકમાં પાર્ટીના તમામ મોટા નેતાઓ અને સાંસદો હાજર રહ્યાં હતા.

બેઠક દરમિયાન જેવા વડાપ્રધાન નરેન્દ્ર મોદી આવ્યા કે તાળીઓથી તેમનું સ્વાગત કરવામાં આવ્યું. ભાજપના નેતા અને સંસદીય કાર્યમંત્રી અનંત કુમાર અનુસાર બેઠકમાં પીએમ મોદીએ કહ્યું કે, યુવાનોને સરકારના સારા કામના દૂત બનાવવા જોઇએ. તેમણે આગળ કહ્યું કે, હું બેસીશ નહીં અને કોઇને બેસવા પણ નહીં દઉં. જે વૃક્ષમાં ફળ લાગે, તે વૃક્ષ ઝૂકે છે, એટલે જ તમારે પણ વિનમ્ર બનવું પડશે.

કુમાર અનુસાર, પાર્ટીના અધ્યક્ષ અમિત શાહે કહ્યું કે, વર્ષ 2019ની લોકસભા ચૂંટણી મહત્વની છે. એ માટે પણ તૈયારીઓ કરવાની છે. વિજય ગાથા આગળ વધારવાની છે. આ બેઠકમાં લાલ કૃષ્ણ અડવાણી, ગૃહ મંત્રી રાજનાથ સિંહ, કેન્દ્રિય મંત્રી વૈંકેયા નાયડુ અને રવિશંકર પ્રસાદ સહિત તમામ મોટા નેતાઓ હાજર હતા.

English summary

BJP Parliamentary Party meeting held in Delhi.