G7 શિખર સમ્મેલનમાં વર્ચ્યુઅલ રીતે સામેલ થશે પીએમ મોદી, બોરિસ જોહ્ન્સને આપ્યુ આમંત્રણ

ભારતીય વિદેશ મંત્રાલયના પ્રવક્તા અરિંદમ બાગચીએ ગુરુવારે કહ્યું કે વડા પ્રધાન નરેન્દ્ર મોદી બીજી વખત જી 7 શિખર સંમેલનમાં ભાગ લેશે. અરિંદમ મુજબ બ્રિટિશ વડાપ્રધાન બોરિસ જોહ્ન્સને જી 7 મોદીને જી 7 સમિટને સંબોધન કરવા આમંત્રણ મોકલ્યું હતું, જેને ભારત સરકારે સ્વીકારી લીધું છે. વિદેશ મંત્રાલયે કહ્યું કે પીએમ મોદી 12 અને 13 જૂનના રોજ આઉટરીચ સેશનમાં ભાગ લેશે. આ બીજી વખત છે જ્યારે વડા પ્રધાન મોદી જી -7 માં ભાગ લેશે.

આપને જણાવી દઈએ કે અગાઉ કોરોના વાયરસની બીજી લહેર વચ્ચે ભારતીય વિદેશ મંત્રાલયે જાણ કરી હતી કે પીએમ મોદી જી 7 ગ્રુપ સમિટમાં ભાગ લેવા યુકે જશે નહીં. એમઈએના પ્રવક્તા અરિંદમ બાગચીએ કહ્યું કે જી 7 સંમેલનમાં બ્રિટન, કેનેડા, ફ્રાંસ, જર્મની, ઇટલી, જાપાન અને યુ.એસ સામેલ છે. આ સંમેલનમાં પીએમ મોદી પણ સંબોધન કરશે. ભારત સિવાય બ્રિટિશ વડા પ્રધાન બોરિસ જોહ્ન્સને ઓસ્ટ્રેલિયા, દક્ષિણ કોરિયા અને દક્ષિણ આફ્રિકાને પણ જી 7 આઉટરીચ સત્રમાં ભાગ લેવા આમંત્રણ આપ્યું હતું.

In accordance with the G7 invitation of UK Prime Minister Boris Johnson, Prime Minister Narendra Modi will participate in outreach sessions on June 12 &13, virtually. This is the second time PM will be participating in G7: MEA Spox Arindam Bagchi pic.twitter.com/iGh2dU2tr9

— ANI (@ANI) June 10, 2021

વિદેશ મંત્રાલયના પ્રવક્તાએ એમ પણ કહ્યું હતું કે બોકારોમાં પકડાયેલી સામગ્રી યુરેનિયમ નથી કે તે રેડિયોએક્ટિવ પણ નથી. હકીકતોની ચકાસણી કર્યા વિના મીડિયા અહેવાલના આધારે પાકિસ્તાનના વિદેશ મંત્રાલયે કરેલી ટિપ્પણી ભારતને બદનામ કરવાના તેમના સ્વભાવને દર્શાવે છે. આ ઉપરાંત વિદેશ મંત્રાલયે ભારતમાં ફસાયેલા એનઆરઆઈ અને વિદ્યાર્થીઓ વિશે જણાવ્યું હતું કે, વિદેશ મંત્રાલય વિદેશમાં રહેતા પરંતુ ભારતમાં ફસાયેલા આવા લોકોના હિતની સુરક્ષા માટે સક્રિય રીતે કાર્ય કરી રહ્યું છે. અમે એવા ભારતીય વિદ્યાર્થીઓને પડકારો વિષે વાકેફ છીએ કે જેઓ પોતાનાં અભ્યાસમાં પાછા આવવા અસમર્થ છે. અમે સંબંધિત સરકારો સાથે આને સક્રિયપણે સંજ્ઞાન લઈ રહ્યા છીએ.

English summary

Boris Johns invites PM Modi to address G7 summit virtually