• search
For Quick Alerts
ALLOW NOTIFICATIONS  
For Daily Alerts

સાવધાન: ચાઇનીઝ ફટાકડાથી દૂર રહો, જો પકડાયા તો થશે સજા

|

આ દિવાળી પર ચીનના ફટાકડા ખરીદવા ભારે પડી શકે છે. જી હા, દિવાળી નજીક આવતા જ ફટાકડા ફોડવા અંગે કડક દિશા-નિર્દેશ આવવા લાગ્યા છે. ખાસ કરીને, ચાઇનીઝ ફટાકડા પર પ્રતિબંધને કડક રીતે લાગુ કરવાની ચર્ચા થઇ રહી છે. દિવાળી પહેલા જ સરકારે ચાઇનીઝ ફટાકડા પર સંપૂર્ણ પ્રતિબંધ લગાવી દીધો છે. જણાવી દઇએ કે સોમવારે કસ્ટમ વિભાગના પ્રિન્સિપલ કમિશનરે આ સંદર્ભે નોટિસ પાઠવી છે. નોટિસમાં સ્પષ્ટ કહેવામાં આવ્યું છે કે ફટાકડાની આયાત પર સંપૂર્ણ પ્રતિબંધ છે. જો કોઈ વ્યક્તિ ચાઈનીઝ ફટાકડા રાખે, તેનું વેચાણ કરે અથવા કોઈ પણ પ્રકારની ડીલિંગ કરે છે તો તેને કસ્ટમ્સ એક્ટ 1962 હેઠળ દંડિત કરવામાં આવશે.

ચાઇનીઝ ફટાકડા વાતાવરણ માટે ખૂબ જોખમી છે

માહિતી આપી દઈએ કે ચિની ફટાકડા પર્યાવરણ માટે અત્યંત જોખમી છે. આ સાથે, તેઓ વિસ્ફોટક નિયમો, 2008 ની પણ વિરુદ્ધ છે. ચિની ફટાકડાઓમાં રેડ લેડ, કોપર ઓકસાઈડ અને લિથિયમ જેવા અત્યંત જોખમી રસાયણો હોય છે, જે પર્યાવરણ તેમજ લોકોના સ્વાસ્થ્ય માટે જોખમી છે. ચીની ફટાકડા દેશના અર્થતંત્રની સાથે ઘરેલું ઉદ્યોગને પણ ખરાબ અસર કરે છે.

ફટાકડા પરના લેબલથી જાણો ચીનમાં બનાવેલા ફટાકડા

તે જ સમયે, કસ્ટમ્સ વિભાગે લોકોને અપીલ કરી છે કે ખતરનાક ચાઇનીઝ ફટાકડા ન ખરીદવા. ફટાકડા પરનું લેબલ જોઈને તમને ખબર પડશે કે તે ચીનમાં બનેલા ફટાકડા છે કે નહીં. વિભાગે કહ્યું છે કે, જો કોઈ વ્યક્તિએ તેના ઘરે ચાઇનીઝ ફટાકડાને જમા કરી રાખ્યા છે, તો તે વિભાગની ચેન્નઈ શાખાને ફોન કરીને માહિતી આપી શકે છે. આ માટે, વિભાગે 044-25246800 નંબર જારી કર્યો છે.

આ ફટાકડાનો વિકલ્પ તરીકે ઉપયોગ કરો

બીજી તરફ, તમને જણાવી દઈએ કે સરકારે વિકલ્પ તરીકે નાગરિકોને ગ્રીન ફટાકડા ઉપલબ્ધ કરાવ્યા છે. ચીનના ફટાકડા કરતા 30 ટકા ઓછું પ્રદૂષણ ફેલાવે છે તેવો દાવો કરવામાં આવે છે. એ નોંધવું મહત્વપૂર્ણ છે કે ફટાકડા કે જેમાં હાનિકારક રસાયણો શામેલ નથી અને જે ફૂટીને હવાનું પ્રદૂષણ લાવતા નથી, તેમને ગ્રીન ફટાકડા કહેવામાં આવે છે. આ ફટાકડાઓમાં હાનિકારક વસ્તુઓ અન્ય ઓછા હાનિકારક તત્વો દ્વારા બદલવામાં આવે છે, જેના પર્યાવરણને નુકસાન પહોંચતું નથી.

જમ્મુ-કાશ્મીરને મોદી સરકારની વઘુ એક ભેટ, લાખો કર્મચારીઓનો પગાર વધ્યો

English summary
Caution: Stay away from Chinese fireworks, if caught, there will be punishment
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more