CCTV Video : આવી રીતે મુંબઈ એરપોર્ટ પર પ્લેન ક્રેશ થયુ, સીસીટીવી વીડિયો સામે આવ્યા

મુંબઈમાં ભારે વરસાદ વચ્ચે એરપોર્ટ પર એક ચાર્ટર પ્લેન ક્રેશ થયુ છે. આ વિમાન લેન્ડિંગ વખતે વરસાદને કારણે રન વે પરથી લપસી જતા અકસ્માતનો ભોગ બન્યુ હતુ. હવે આ અકસ્માતના લાઈવ સીસીટીવી વીડિયો સામે આવ્યા છે.

મુંબઈ એરપોર્ટ પર ચાર્ટર્ડ પ્લેનના લેન્ડિંગ દરમિયાન સર્જાયેલા આ અકસ્માતમાં પ્લેન રનવે પરથી લપસી જતાં પ્લેનના બે ટુકડા થઈ ગયા હતા. આ ઘટનાનો વીડિયો સામે આવ્યો છે, જેને જોઈને પ્લેનના દુર્ઘટના પાછળના કારણનો અંદાજ લગાવી શકાય છે.

આઠ લોકો સાથેનું લીઅરજેટ 45 એરક્રાફ્ટ લેન્ડિંગ દરમિયાન ભારે વરસાદને કારણે સફળતાપુર્વક ઉતરી શક્યુ નહીં અને લપસીને અકસ્માતનો ભોગ બન્યુ. દુર્ઘટનાગ્રસ્ત ખાનગી વિમાન VSR વેન્ચર્સનું હતું અને તે વિશાખાપટ્ટનમથી મુંબઈ આવી રહ્યું હતુ. આ ઘટના અંગે ઉડ્ડયન મંત્રાલય દ્વારા જારી કરવામાં આવેલા નિવેદનમાં કહેવામાં આવ્યું છે કે કોઈને ઈજા થઈ નથી.

મુંબઈ એરપોર્ટના રનવે 27 પર બનેલી આ ઘટનાનો એક વીડિયો સામે આવ્યો છે. વીડિયોમાં જોઈ શકાય છે કે કેવી રીતે પ્રાઈવેટ જેટ લેન્ડિંગ દરમિયાન રનવે પર અકસ્માતનો ભોગ બને છે.

#WATCH
Video of private jet veering off the runway while landing at Mumbai Airport.

VSR Ventures Learjet 45 aircraft VT-DBL operating flight from Visakhapatnam to Mumbai with six passengers and two crew members on board, veered off the runway at Mumbai Airport.

Three Injured pic.twitter.com/Pkcwr9x171

— Jeet Mashru (@mashrujeet) September 14, 2023

એરપોર્ટ અધિકારીઓના જણાવ્યા અનુસાર, ભારે વરસાદને કારણે પ્લેન રનવે પરથી સરકી ગયું હતું. આ અકસ્માતમાં ત્રણ લોકો ઘાયલ થયા છે અને હોસ્પિટલમાં દાખલ કરવામાં આવ્યા છે. પ્રાઈવેટ જેટને નુકસાન થયા બાદ રનવેને અસ્થાયી રૂપે બંધ કરી દેવામાં આવ્યો છે.

ડિરેક્ટોરેટ જનરલ ઓફ સિવિલ એવિએશનના જણાવ્યા અનુસાર, એરક્રાફ્ટ એન્જિન ઉત્પાદક પ્રેટ એન્ડ વ્હિટની એન્જિન રિકોલના બીજા તબક્કા અંગે સર્વિસ બુલેટિન બહાર પાડશે. 2024 ના પ્રથમ ક્વાર્ટરમાં મોટાભાગના એન્જિનો દૂર કરવામાં આવે તેવી શક્યતા છે.

English summary

CCTV Video: This is how the plane crashed at Mumbai airport, CCTV video came out