ટૂંક સમયમાં બાળકોને મળશે કોરોના વેક્સિન, કેન્દ્ર સરકારે ઝાયડસ કેડિલાની 1 કરોડ રસીનો આપ્યો ઓર્ડર
ભારતમાં ટૂંક સમયમાં બાળકોને પણ કોરોના વાયરસ સામે રસી આપવામાં આવશે. કેન્દ્ર સરકારે અમદાવાદ સ્થિત કંપની ઝાયડસ કેડિલા પાસેથી ત્રણ ડોઝની રસી ZyCoV Dના એક કરોડ ડોઝ ખરીદવાનો આદેશ આપ્યો છે.
નવી દિલ્હી : ભારતમાં ટૂંક સમયમાં બાળકોને પણ કોરોના વાયરસ સામે રસી આપવામાં આવશે. કેન્દ્ર સરકારે અમદાવાદ સ્થિત કંપની ઝાયડસ કેડિલા પાસેથી ત્રણ ડોઝની રસી ZyCoV Dના એક કરોડ ડોઝ ખરીદવાનો આદેશ આપ્યો છે.
સત્તાવાર સૂત્રોએ રવિવારે (07 નવેમ્બર) આ માહિતી આપી હતી. માહિતી અનુસાર ZyCoV D રસી આ મહિને રાષ્ટ્રીય એન્ટી-કોરોનાવાયરસ રસીકરણ અભિયાનમાં શામેલ કરવામાં આવશે.
અહેવાલ મુજબ કેન્દ્રીય આરોગ્ય મંત્રાલયે વિશ્વના પ્રથમ સ્વદેશી રીતે વિકસિત DNA આધારિત(રંગસુત્ર આધારિત) કોવિડ જૈબની રજૂઆત માટે પ્રારંભિક કાર્ય શરૂ કરવાની મંજૂરી આપી છે, જે દેશના રસીકરણ અભિયાનના ભાગ રૂપે શરૂઆતમાં પુખ્ત વયના લોકોને આપવામાં આવશે.
ઝાયડસ કેડિલાની ત્રણ ડોઝની રસી Zycov D એ 12 વર્ષ અને તેથી વધુ વયના લોકોને રોગપ્રતિકારક બનાવવા માટે ભારતના ડ્રગ રેગ્યુલેટર દ્વારા મંજૂર કરાયેલી પ્રથમ રસી છે.
એક સત્તાવાર સૂત્રએ જણાવ્યું હતું કે, કેન્દ્રીય આરોગ્ય મંત્રાલયે રસીકરણ કાર્યક્રમમાં દેશમાં વિકસિત વિશ્વની પ્રથમ ડીએનએ આધારિત કોવિડ 19 રસીનો સમાવેશ કરવા માટેના પ્રારંભિક પગલાંને ફ્લેગ ઓફ કર્યું છે. પ્રથમ પુખ્ત વયના લોકોને આપવા માટે પ્રાથમિકતા આપવામાં આવશે.
સૂત્રોના જણાવ્યા અનુસાર કેન્દ્ર સરકાર દ્વારા ઝાયડસ કેડિલાની રસી 'ZyCoV D'ના એક કરોડ ડોઝનો ઓર્ડર આપ્યો છે. તેની કિંમત 358 રૂપિયાની આસપાસ છે.
આમાં 93 રૂપિયાની કિંમતના "જેટ એપ્લીકેટર" ની કિંમત પણ આમાં શામેલ છે. આ રસીનો ડોઝ લોકોને "જેટ એપ્લીકેટર" ની મદદથી જ આપવામાં આવશે.
Zydus Cadila માટે Zycov D રસીના ત્રણેય ડોઝ 28 દિવસના અંતરે આપવામાં આવે છે. ઉલ્લેખનીય છે કે, દેશમાં વિકસિત આ વિશ્વની પ્રથમ રસી છે, જે ડીએનએ આધારિત અને સોય મુક્ત ડોઝ છે. Zycov D ને ભારતના ડ્રગ રેગ્યુલેટર દ્વારા 20 ઓગસ્ટના રોજ મંજૂરી આપવામાં આવી હતી.
Click it and Unblock the Notifications
Sign in with Google
