Chandigarh Mayor Election: જાણો કોણ છે અનુપ ગુપ્તા, જેમણે 1 વોટથી જીતી ચૂંટણી

ભાજપના અનૂપ કુમાર ગુપ્તા હવે ચંદીગઢના નવા મેયર બન્યા છે. અનૂપ ગુપ્તાએ AAPના જસબીર સિંહને એક વોટથી હરાવ્યા હતા. આવો જાણીએ કોણ છે અનૂપ ગુપ્તા.

ચંદીગઢના મેયર પદને લઈને સસ્પેન્સનો અંત આવ્યો અને ભારતીય જનતા પાર્ટી (BJP) એ સીટ કબજે કરી લીધી. ભાજપના અનૂપ કુમાર ગુપ્તા હવે ચંદીગઢના નવા મેયર બન્યા છે. અનૂપ ગુપ્તાએ આમ આદમી પાર્ટી (AAP)ના ઉમેદવાર જસબીર સિંહને એક વોટથી હરાવ્યા હતા. ચંદીગઢના નવા મેયર અનુપ ગુપ્તા માત્ર નસીબદાર માણસ જ નથી પણ એક અમીર માણસ પણ છે. આવો જાણીએ કોણ છે અનૂપ ગુપ્તા.

38 વર્ષીય અનૂપ કુમાર ગુપ્તા બી.કોમ અને લો ગ્રેજ્યુએટ છે. અનૂપ ગુપ્તા પહેલા ડેપ્યુટી મેયર બન્યા છે. અહેવાલો અનુસાર, વર્ષ 2021 માં, અનૂપ ગુપ્તા પ્રથમ વખત વોર્ડ-11માંથી કાઉન્સિલર તરીકે ચૂંટાયા હતા, જે સેક્ટર 18, 19 અને 21 ને આવરી લે છે. અનૂપ આ પહેલા પણ બીજેપી સેક્રેટરીનું પદ સંભાળી ચુક્યા છે. અનૂપ ગુપ્તા સંજય ટંડન, અરુણ સૂદ અને સાંસદ કિરણ ખેર સહિત યુટીમાં ભાજપના તમામ ટોચના નેતાઓના નજીકના સહયોગી તરીકે જાણીતા છે.

શહેરના મોટા ઉદ્યોગપતિઓ અને સામાજિક કાર્યકરોમાં અનૂપ ગુપ્તાનું નામ આવે છે. વર્ષ 2021 માં, અનૂપ ગુપ્તાએ કાઉન્સિલર પદ માટે ઉમેદવારી નોંધાવી હતી. જેમાં તેણે પોતાની 45 કરોડની પ્રોપર્ટીનો ઉલ્લેખ કર્યો હતો. આટલી બધી મિલકત ધરાવતા કાઉન્સિલર પદ માટે એવો કોઈ ઉમેદવાર ઊભો રહ્યો ન હતો.

અહેવાલો અનુસાર આમ આદમી પાર્ટી અને ભાજપ પાસે 14-14 કાઉન્સિલર છે, પરંતુ ચંદીગઢના સાંસદ કિરણ ખેરનો એક વોટ પણ બીજેપીના પક્ષમાં ગયો છે. કોંગ્રેસના 6 કાઉન્સિલર અને શિરોમણી અકાલી દળના 1 કાઉન્સિલરે આ ચૂંટણીમાં અંતર રાખ્યું હતું. જેનો સીધો ફાયદો ભાજપને મળ્યો અને અનૂપ ગુપ્તાએ AAPના જસબીર સિંહને માત્ર એક મતના માર્જીનથી હરાવ્યા. ચંદીગઢ મેયરની ચૂંટણીમાં કુલ 29 વોટ પડ્યા હતા.

English summary

Chandigarh Mayor Election: Know who is Anup Gupta, who won the election by 1 vote