Chandrayaan 3: ઈસરોએ શેર કર્યા ચંદ્રના એકદમ નજીકના ફોટા, આ કેમેરાનો કર્યો ઉપયોગ

Published: Monday, August 21, 2023, 11:49 [IST]

Chandrayaan 3: ઈસરોએ લેન્ડર હેઝાર્ડ ડિટેક્શન એન્ડ એવોઈડન્સ કેમેરા (LHDAC) દ્વારા કેપ્ચર કરાયેલ ચંદ્રના અદ્ભૂત ફોટા શેર કર્યા છે. ચંદ્રયાન-3 એ લેન્ડિંગ પહેલા લેન્ડર હેઝાર્ડ ડિટેક્શન એન્ડ એવોઈડન્સ કેમેરા (LHDAC) નો ઉપયોગ કરીને આ તસવીરો કેપ્ચર કરી હતી.

આ તસવીરો ચંદ્રની સપાટીના દક્ષિણ ધ્રુવ પરની તે જગ્યાની છે, જ્યાં ચંદ્રયાન-3નું લેન્ડર વિક્રમ લેન્ડ થવા જઈ રહ્યું છે. આ કેમેરો ઈસરોના મુખ્ય સંશોધન અને વિકાસ કેન્દ્ર અમદાવાદ સ્થિત સ્પેસ એપ્લિકેશન સેન્ટર(SAC) દ્વારા વિકસાવવામાં આવ્યો છે, જે લેન્ડિંગ દરમિયાન સુરક્ષિત લેન્ડિંગ એરિયા (પથ્થરો કે ઊંડા ખાઈ વિના) શોધવામાં મદદ કરે છે.

ટ્વિટર પર ફોટા શેર કરતાં ઈસરોએ લખ્યું, 'આ ચંદ્રની દૂરની બાજુની તસવીરો છે, જે લેન્ડરના થ્રેટ ડિટેક્શન એન્ડ રેસ્ક્યૂ કેમેરા (LHDAC) દ્વારા કેપ્ચર કરવામાં આવી છે.' સ્પેશિયલ કેમેરા વિશે જણાવતાં ISROએ કહ્યું કે, 'આ કેમેરા (લેન્ડર) નીચે ઉતરતી વખતે સુરક્ષિત લેન્ડિંગ એરિયા (પથ્થર કે ઊંડા ખાડાઓ વિના) શોધવામાં મદદ કરે છે. તેને સ્પેસ એપ્લિકેશન સેન્ટર, ઈસરોમાં વિકસાવવામાં આવ્યું છે.

સ્પેસ એજન્સીના જણાવ્યા અનુસાર, ચંદ્રયાન-3ના મિશનના ઉદ્દેશ્યોને હાંસલ કરવા માટે, લેન્ડરમાં એલએચડીએસી જેવી ઘણી અદ્યતન તકનીકો હાજર છે. તમને જણાવી દઈએ કે ચંદ્રયાન-3, 14 જુલાઈના રોજ લૉન્ચ કરવામાં આવ્યું હતુ, જે ચંદ્રયાન-2નુ એક ફોલો-ઓન મિશન છે. 23 ઓગસ્ટે (ભારતીય સમય મુજબ) સાંજે 6:04 વાગે ચંદ્રના દક્ષિણ ધ્રુવ પર ચંદ્રયાન 3 ઉતરે તેવી અપેક્ષા છે.

મિશનનું બીજું અને અંતિમ ડિબૂસ્ટિંગ ઓપરેશન (સ્પીડ ઘટાડવાની પ્રક્રિયા) રવિવારે સવારે સફળતાપૂર્વક પૂર્ણ થઈ હતી. નોંધનીય છે કે ચંદ્ર પર સફળતાપૂર્વક ઉતરાણ કર્યા બાદ ભારત આમ કરનાર વિશ્વનો ચોથો દેશ બની જશે. અત્યાર સુધી માત્ર અમેરિકા, રશિયા અને ચીનના મિશન જ ચંદ્ર પર સફળતાપૂર્વક ઉતર્યા છે.

Chandrayaan-3 Mission :

Here are the images of Lunar far side area captured by the Lander Hazard Detection and Avoidance Camera (LHDAC).

This camera that assists in locating a safe landing area -- without boulders or deep trenches -- during the descent is developed by ISRO at… pic.twitter.com/7UaZjKGzJZ
— LVM3-M4/CHANDRAYAAN-3 MISSION (@chandrayaan_3) August 21, 2023