Video: લાતૂરમાં CM ફડણવીસના હેલિકોપ્ટરનું ક્રેશ લેન્ડિંગ

મહારાષ્ટ્રના મુખ્યમંત્રી લાતૂરથી મુંબઇ જઇ રહ્યા હતા, એ દરમિયાન તેમના હેલિકોપ્ટરનું ક્રેશ લેન્ડિંગ કરવાની જરૂર પડી હતી.

મહારાષ્ટ્રના મુખ્યમંત્રી દેવેન્દ્ર ફડણવીસ ગુરૂવારે એક દુર્ઘટનામાંથી માંડ બચ્યા હતા. તેઓ લાતૂરથી મુંબઇ જઇ રહ્યા હતા, એ દરમિયાન તેમના હેલિકોપ્ટરનું ક્રેશ લેન્ડિંગ કરવાની જરૂર પડી હતી. જો કે, આ ઘટનામાં મુખ્યમંત્રી અને તેમની ટીમ સુરક્ષિત બચી ગયા હતા. મુખ્યમંત્રી ફડણવીસે જાતે ટ્વીટ કરીને આ જાણકારી આપી હતી કે, તેઓ અને તેમની ટીમ બિલકુલ સુરક્ષિત છે.

ઉપલબ્ધ જાણકારી અનુસાર, દેવેન્દ્ર ફડણવીસ લાતૂરમાં જળ સંરક્ષણ પર આયોજિત એક કાર્યક્રમમાં હાજરી આપવા માટે પહોંચ્યા હતા. કાર્યક્રમ પૂરો થયા બાદ તેઓ લાતૂરથી મુંબઇ જવા માટે હેલિકોપ્ટરમાં રવાના થયા, પરંતુ હેલિકોપ્ટરમાં તકનીકી ખામી હોવાને કારણે તુરંત જ ક્રેશ લેન્ડિંગ કરવું પડ્યું.

'ઇશ્વર અને જનતાના આશીર્વાદથી બચ્યો છું'

આ ઘટના બાદ વરિષ્ઠ અધિકારીઓ આ મામલાની તપાસ કરી રહ્યાં છે. મુખ્યમંત્રી ફડણવીસે આખી ઘટના અંગે ટ્વીટ કરી જાણકારી આપી હતી. તેમણે ટ્વીટમાં કહ્યું કે, ઇશ્વર અને જનતાના આશીર્વાદથી હું અને મારી ટીમ સુરક્ષિત છીએ.

મુખ્યમંત્રી ફડણવીસના હેલિકોપ્ટરના ક્રેશ લેન્ડિંગનો વીડિયો જુઓ અહીં..

#WATCH: Dramatic visuals of crash-landing of Maharashtra CM Devendra Fadnavis's chopper in Latur, CM and team escaped unhurt. pic.twitter.com/xTikKyvkhg

— ANI (@ANI_news) May 25, 2017

English summary

Chopper with Maharashtra CM Devendra Fadnavis on board crash-lands in Latur, CM and team escapes unhurt.