સુષમાનો સોનિયા પર પ્રહારઃ નામ જાહેર કરતા ડરી રહી છે કોંગ્રેસ

નવી દિલ્હી, 19 જાન્યુઆરીઃ ભાજપના ફાયર બ્રાન્ડ નેતા સુષમા સ્વરાજે રવિવારે કોંગ્રેસ અધ્યક્ષા સોનિયા ગાંધી પર આકરા પ્રહાર કર્યા છે. તેમણે કહ્યું કે, કોંગ્રેસ લોકસભા ચૂંટણી પહેલા પાર્ટીના પીએમ પદના ઉમેદવારનું નામ જાહેર કરતા ડરી રહી છે.

દિલ્હીમાં ચાલી રહેલી ભાજપની રાષ્ટ્રીય પરિષદની બેઠકમાં સુષમા સ્વરાજે કહ્યું કે, કોંગ્રેસ અધ્યક્ષા કહે છે કે પાર્ટીની પરંપરા છે કે અમે પહેલા ઉમેદવારનું નામ જાહેર કરતા નથી. આ એ પાર્ટી છે, જેને અંતરઆત્માનો અવાજ પણ મોડેકથી સંભળાય છે, તેથી તે પીએમ પદ માટે પોતાના ઉમેદવાર જાહેર કરી રહી નથી. લોકસભા ચૂંટણીમાં કોંગ્રેસના અસ્તિત્વનું સંકટ ઉભૂ થઇ ગયું છે.

તેમણે કહ્યું કે, યુપીએ કાર્યકાળમાં અર્થવ્યસ્થા કથળી ગઇ છે અને સામાન્ય જનતાની હાલ બેહાલ છે. મનમોહન સરકાર સંપૂર્ણપણે ભ્રષ્ટાચારમાં ડુબેલી છે. સરહદ પર સૈનિકોના સર કલમની ઘટના પર પણ મનમોહન સરકાર ચૂપ રહી. આ દર્દનાક ઘટનામાં પણ સરકાર હાથ પર હાથ ધરીને બેસી રહી. ભ્રષ્ટાચારને જડથી ઉખેડવા માટે લોકપાલ બિલ માત્ર ને માત્ર ભાજપના દબાણના કારણે આવ્યું છે, નહીં તો આ કોંગ્રેસ સરકારમાં એટલો દમ નહોતો. સોનિયા ગાંધીની આંકો પર પટ્ટી બાંધેલી છે, તેથી તેમને સાચી વાત દેખાઇ રહી નથી.

ભાજપના 272 પ્લસ મિશનને લઇને તેમણે કહ્યું કે, જ્યાં આપણે નબળા છીએ, ત્યાં આપણે આ વખતે જરૂર જીતીશું. નરેન્દ્રભાઇ મોદીના નેતૃત્વમાં આપણે આ મિશન જરૂરથી હાંસલ કરીશું. દેશની જનતા આ વખતે આપણને જ મત આપશે અને આપણે સત્તા સુધી પહોંચીશુ. તેથી ભાજપના કાર્યકર્તાઓ પૂરા જોશ અને જુસ્સા સાથે પાર્ટીના આ મિશન પર જોતરાઇ જાય. ભાજપની રાષ્ટ્રીય પરિષદની બેઠકનો રવિવારે અંતિમ દિવસ છે.

English summary

Congress is scared and the fear of losing has stopped them from announcing their PM candidate, says Sushma Swaraj