Me Too ના સમર્થનમાં આવ્યા રાહુલ ગાંધીઃ ‘હવે બદલાવનો સમય આવી ગયો છે'

દેશમાં ચાલી રહેલ #MeToo અભિયાન પર કોંગ્રેસ અધ્યક્ષ રાહુલ ગાંધીએ ટ્વિટ કર્યુ છે. રાહુલ ગાંધીએ પોતાના ટ્વિટમાં લખ્યુ કે હવે સમય આવી ગયો છે જ્યારે બધી મહિલાઓ સાથે આદર અને સમ્માનથી રહેતા શીખી જાવ. કોંગ્રેસ અધ્યક્ષે કહ્યુ કે બદલાવ લાવવા માટે સત્યને બૂમો પાડીને બોલવાની જરૂર છે. રાહુલ ગાંધી પહેલા મોટા નેતા છે જેમણે #MeToo અભિયાનના સમર્થનમાં બોલ્યુ છે.

ગયા એક સપ્તાહથી સોશિયલ મીડિયા પર #MeToo અભિયાન ચાલી રહ્યુ છે. એક વર્ષ પહેલા અમેરિકામાં યૌન શોષણ પીડિતો માટે શરૂ થયેલા આ અભિયાને હાલમાં ભારતમાં જોર પકડ્યુ છે. રાહુલ ગાંધીએ આ અભિયાનનું સમર્થન કરીને શુક્રવારે ટ્વિટર પર લખ્યુ, 'હવે સમય આવી ગયો છે જ્યારે બધી મહિલાઓ સાથે આદર અને સમ્માનથી રહેતા શીખી જાવ. મને ખુશી છે કે જે લોકો આવુ નથી કરતા તેમની જગ્યા ઘટી રહી છે. બદલાવ લાવવા માટે સત્યને બૂમો પાડીને બોલવુ જરૂરી છે.'

It’s about time everyone learns to treat women with respect and dignity.

I’m glad the space for those who don't, is closing. The truth needs to be told loud and clear in order to bring about change. #MeToo

— Rahul Gandhi (@RahulGandhi) 12 October 2018

ભારતમાં ફિલ્મ ઈન્ડસ્ટ્રીથી લઈ રાજકારણીઓ સુધીના નામ યૌન શોષણના કેસોમાં આવ્યા છે. આમાં વિદેશ રાજ્ય મંત્રી એમજે અકબર પણ શામેલ છે. જેના પર 7 મહિલા પત્રકારોએ જર્નાલિઝમ દરમિયાન યૌન શોષણ કરવાનો આરોપ લગાવ્યો છે. એમજે અકબર પર લાગેલા યૌન શોષણના આરોપો બાદ વિપક્ષે તેમનું રાજીનામુ માંગ્યુ છે. સૂત્રો અનુસાર અકબર પોતાની વિદેશ યાત્રાથી પાછા આવીને પદ અને પાર્ટીમાંથી પોતાનું રાજીનામુ સોંપી શકે છે.

English summary

Congress President Rahul Gandhi Breaks Silence On #MeToo Movement, Tweets, 'It's About Time'.