વીણા-વાણીના જોડાયેલા માથાને અલગ કરવા માટે લંડનથી આવ્યા ડોક્ટર

Published: Saturday, February 7, 2015, 20:22 [IST]

હૈદરાબાદ, 7 ફેબ્રુઆરી: આંધ્ર પ્રદેશના હૈદરાબાદમાં રહેનારી જુડવા બહેનો વીણા અને વાણીએ પોતાના જીવનના 11 વર્ષની એક એક પળ સાથે વિતાવી છે સવારે ઉઠવાથી લઇને ખાવા પીવા, શૌચથી લઇને કપડા બદલવા સુધી અને ઘરથી લઇને દુનિયા સુધી તેઓ સાથે જ રહ્યા છે. કારણ કે તેમના માથા એકબીજા સાથે જોડાયેલા છે. બંને બહેનોના જોડાયેલા આ માથાને અલગ કરવા માટે લંડનથી ડોક્ટર આવ્યા છે.

વનઇન્ડિયાની સાથે તમે પણ પ્રાર્થના કરો અને ટિ્વટર પર #veenavaniની સાથે આપની wish tweet કરો...

આંધ્ર પ્રદેશની રહેનાર વીણા અને વાણીના માથા જન્મથી જોડાયેલા છે. બંને બાકી લોકોની જેમ બોલી શકે છે, ખાઇ શકે છે અને દરેક એ કામ કરી શકે છે, જે બાકી લોકો કરી શકે છે, માત્ર એકબીજાથી અલગ નથી થઇ શકતા. બંનેને અલગ કરવાની કોશિશ 2009માં કરવામાં આવી, પરંતુ એમ આરઆઇ, અલ્ટ્રાસાઉંડ, એક્સરે, વગેરે તપાસ કર્યા બાદ ડોક્ટરોએ પોતાના હાથ ઊંચા કરી દીધા. ત્યારે પરિવારને નિરાશા પણ થઇ.

પરિવારની નિરાશા આશામાં ત્યારે ફેરવાઇ જ્યારે લંડનના ઓરમોંડ સ્ટ્રીટ હોસ્પિટલથી ડોક્ટર ડેવિડ ડુનાવે અને ભારતના ડોક્ટર ઓવાસી જીલાની પહોંચ્યા. આ એ ડોક્ટર છે, જેમણે એક સાથે મળીને એવી જ સર્જરી કરી અને બે બાળકોને અલગ કર્યા. હવે આ ડોક્ટરોની સામે વીણા-વાણીને અલગ કરવાનો પડકાર છે.

Published On February 7, 2015