મધ્યપ્રદેશ: શિવરાજનું કેવું સુરાજ્ય, પ્રેમીપંખીડાને કરાવી ન્યૂડ પરેડ અને ડાન્સ

ભોપાલ, 17 ઓક્ટોબર: ભારતીય જનતા પાર્ટીના દિગ્ગજ પોતાના ભાષણમાં મધ્યપ્રદેશના સુશાસનના ગુણગાન કરતાં થાકતાં નથી. શિવરાજ સિંહ ચૌહાણને સુરાજ્યનો પર્યાય દર્શાવવામાં આવે છે. પરંતુ આજે જે તસવીર મધ્યપ્રદેશમાંથી નિકળીને બહાર આવી છે તે કોઇપણ સભ્ય સમાજની લાગતી નથી. શિવરાજના રાજમાં એક પ્રેમી જોડાને ફક્ત એટલા માટે નગ્ન કરી ફેરવવામાં આવ્યા, કારણ કે તેમને સમાજના ઠેકેદારોની વાત ન માની અને લગ્ન કરી લીધા હતા. આ સનસનીખેજ અને શરમજનક ઘટના મધ્યપ્રદેશના ઘારા જિલ્લાના ધામનૌદ પોલીસ મથક વિસ્તારની છે.

પ્રાપ્ત જાણકારી અનુસાર પંચાયતના ફરમાન પર પ્રેમી જોડાને નગ્ન કરવામાં આવ્યા અને પછી તેમના શરીર પર કાલો કલર કરી આખા ગામમાં ફેરવવામાં આવ્યા. આટલું જ નહી નગ્ન જોડાને નગ્ન નચાવવામાં પણ આવ્યા હતા. આ કેસમાં 20 લોકોની ધરપકડ કરવામાં આવી છે અને 4 પોલીસ કર્મીઓને સંસ્પેન્ડ કરવામાં આવ્યા છે. સૂત્રોના જણાવ્યા અનુસાર ધાર જિલ્લામાં બલવારી પંચાયતના ખોકરિયા ગામમાં મંગળવારે એક વિવાહિત અને તેના પ્રેમીને ગામના કેટલાક લોકોને બયડીપુરા અને બલવારીથી પકડીને લાવવામાં આવ્યા.

તેમને ગરબા પંડાલમાં લાવવામાં આવ્યા, ત્યારબાદ તેમના કપડાં ફાડી દેવામાં આવ્યા. ત્યારબાદ બંનેના શરીર પર કાળો કલર કરી તેમને ગામમાં ફેરવવામાં આવ્યા. કહેવામાં આવે છે કે ફેરવતી વખતે યુવક પાસે આખા રસ્તામાં થાળી વગડાવવામાં આવી હતી. ગામમાં ફેરવતી વખતે જ્યારે બંને છોડી મુકવાની આજીજી કરતાં અટકી પડતાં તો તેમને ખીલા વડે મારવામાં આવતાં હતા.

English summary

In a horrifying incident, a tribal man and a woman were brutally thrashed, their face blackened and paraded semi-naked in three villages in the Dhar district of Madhya Pradesh, allegedly on the panchayat’s order.