અરૂણ જેટલી ફોન ટેપ કેસમાં કોર્ટે 4ને જામીન આપ્યાં

નવી દિલ્હી, 30 મે : ભાજપના અગ્રણી નેતા અરૂણ જેટલીના ફોન ટેપિંગ કેસમાં ધપપકડ કરવામાં આવેલા 4 આરોપીઓના જામીન આજે દિલ્હી કોર્ટે મંજૂર કર્યા હતા. ચીફ મેટ્રોપોલિટન મેજિસ્ટ્રેટ અમિત બંસલે દિલ્હી પોલીસ કોન્સ્ટેબલ અરવિંદ દબ્બાસ (35) અને ત્રણ ખાનગી જાસૂસો અનુરાગ સિંહ (37), નીરજ નાયર (36) અને નીતેશ સિંગ (30)ને પ્રતિ વ્યક્તિ રૂપિયા એક લાખના બોન્ડ અને બે વ્યક્તિઓની ખાતરી પર જામીન આપ્યા હતા.

કોર્ટે આ ચારેય વ્યક્તિઓને આરોપપત્ર દાખલ થઇ ગયા બાદ તેમની જરૂર નહીં હોવાના આધાર પર તેમના જામીન મંજૂર કર્યા હતા. આ પૂર્વે ચારેય આરોપીઓએ 100 દિવસની જેલની સજા ભોગવી લીધી હતી. અનુરાગ અને તેના અન્ય સાથીઓને 30 ડિસેમ્બર, 2005ના રોજ અમરસિંહ ફોન ટેપિંગ કેસમાં પકડી પાડવામાં આવ્યા હતા.

પોલીસે જણાવ્યું કે અરુણ જેટલીની નજીકના ત્રણ વ્યક્તિએ સહિત પાંચ વ્યક્તિઓની કોલ ડિટેઇલ્સ તેમણે ભેગી કરી હતી. તેનો એસીપીના બિનસત્તાવાર ઇમેઇલ આઇડીનો ઉપયોગ કરીને કોલ ડિટેઇલ્સ રેકોર્ડ્સ મોકલવામાં આવી હતી.

English summary

Court grants bail to four in Arun Jaitley phone tapping case