JMMએ છોડ્યો સાથ, ઝારખંડની મુંડા સરકાર સંકટમાં

નવી દિલ્હી, ઝારખંડમાં સત્તાધારી ગઠબંધનમાં સામેલ દળોની વચ્ચે સત્તા હસ્તાંતરણના મુદ્દે ઉદભવેલ સંકટે વધુ ઉગ્ર બન્યો છે. ઝારખંડ મૂક્તિ મોર્ચાએ રાજ્યની અર્જુન મુંડા સરકારને આપેલું સમર્થન પાછું ખેંચી લેતા મુંડા સરકાર સંકટમાં મુકાઇ ગઇ છે. આ જાણકારી જેએમએમના નેતા હેમંત સોરેને આપી છે.

હેમંત સોરેને જણાવ્યું કે પાર્ટીએ મુંડા સરકારને આપેલું સમર્થન પાછું લેવાનો નિર્ણય કરી લીધો છે. તેમણે એ પણ જણાવ્યું કે જેએમએમ વિરોધી નિવેદન પર નિશિકાંત દૂબેએ માફી માંગવી જોઇએ. આ પહેલા શિબૂ સોરેને જણાવ્યું કે હવે વાતચીતના બધા રસ્તાઓ બંધ થઇ ચૂક્યા છે. મંગળવારે રાજભવન જઇને રાજ્યપાલને સમર્થન પરત કર્યાનો જાણ કરતા પત્ર મોકલશે.

સોમવારે બપોરે શિબૂ સોરેન અને હેમંત સોરેન સાથે અર્જૂન મુંડાએ મુલાકાત પણ કરી હતી પરંતુ આ અંગે કોઇ સમજૂતિ ના થઇ શકી. જેએમએમના જણાવ્યા અનુસાર બીજેપીની સાથે ઝારખંડમાં 28-28 મહીને સરકાર ચલાવવાની સમજૂતિ થઇ હતી. તેમણે બીજેપી પર વચનથી હટવાનો આરોપ પણ લગાવ્યો છે.

English summary

The Jharkhand Mukti Morcha today announced that it was withdrawing support to the Arjun Munda-led Bharatiya Janata Party state government over differences on the rotation policy of the chief ministerial post.