ગુજરાતમાં તબાહી મચાવ્યા બાદ રાજસ્થાન પહોંચ્યું વાવાઝોડું બિપરજોય, રણમાં પૂર જેવા હાલાત
ગુજરાતમાં તબાહી મચાવ્યા બાદ ચક્રવાત બિપરજૉય રાજસ્થાનના બાડમેરમાં કહેર વરસાવી રહ્યું છે. બાડમેર જિલ્લાના ચૌહટન વિસ્તારમાં ગત 24 કલાકમાં સૌથી વધુ વરસાદ નોંધાયો છે. સતત વરસાદ થયો હોવાના કારણે રાજસ્થાનના રણમાં પૂર જેવા હાલાત બનતા જણાઈ રહ્યા છે. અરબી સમુદ્રમાં ઉઠેલ ચક્રવાત બિપરજોયની અસરથી રાજસ્થાનના કેટલાય વિસ્તારોમાં ભારે વરસાદ થઇ રહ્યો છે.
રાજસ્થઆનના બાડમેર જિલ્લામાં ચૌહટનમાં અત્યાર સુધીમાં સૌથી વધુ 10 ઈંચ સુધી વરસાદ થયો છે. જ્યારે જાલોરના રાનીવાડામાં 4.3 ઈંચ વરસાદ થઇ ચૂક્યો છે. સૌથી વધુ વરસાદ જાલોર બાડમેર અને સિરોહીમાં થઇ રહ્યો છે. અહીં જળ ભરાવો અને પૂર જેવા હાલાત જોવા મળી રહ્યા છે. એનડીઆરએફની ટીમ સિવાનમાં તૈનાત છે. જાલોરની રાનીવાડામાં સેનાની મદદ લેવામાં આવી છે. ત્રણેય જિલ્લા ગુજરાતની નજીક છે.
ચૌહટન કસ્બામમાં સતત વરસાદ થવાથી આસપાસના તળાવો લબાલબ થઇ ગયાં છે. સ્થિતિ એ છે કે ચૌહટન કસ્બામાં ચારથી પાંચ ફીટ પાણી વહી રહ્યું છે. સ્થાનિકોનું કહેવું છે કે 10-12 કલાકથી સતત વરસાદ થવાથી મકાનોમાં પાણી ઘૂસી ગયાં છે. ઘરે રાખવામાં આવેલો સામાન પણ પલળી ગયો છે, વાસણ પણ પાણીમાં તરી રહ્યાં છે. એવામાં લોકોને ઘરના ઉપલા માળે અને છત પર શરણ લેવી પડી રહી છે.
હવામાન વિભાગ મુજબ શનિવારે સાંજે સાંડા પાંચ વાગ્યા સુધી સિરોહીમાં 37.5 મિલીમીટર, જાલોરમાં 36 મીમી, બાડમેરમાં 33.6 મીમી, બિકાનેરમાં 26.6 મીમી, ડબોકમાં 13 મીમી, ડૂંગરપુરમાં 12.5 મીમી અને જોધપુરમમાં 10.5 મીમી વરસાદ થયો છે. આ સમયગાળા દરમિયાન કેટલાય અન્ય સ્થળોએ પણ વરસાદ થયો.
હવામાન વિભાગે બાડમેર, જાલોર અને સિરોહી જિલ્લામાં ભારે વરસાદની ચેતવણી જાહેર કરી છે. પાલી અને જોધપુર માટે ઓરેન્જ એલર્ટ જાહેર કરવામાં આવ્યું છે. એવી જ રીતે જેસલમેર, બીકાનેર, ચૂરુ, સીકર, નાગૌર, ઝુંઝુનૂ, અજમેર, ઉદયપુર, રાજસમંદ, જયપુર શહેર, દૌસા, અલવર, ભીલવાડા, ચિતૌડગઢ, કરૌલી, સવાઈ માધોપુર, ટોંક, બૂંદી અને કોટા જિલ્લા માટે યેલો એલર્ટ જાહેર કરાયું છે.
ચક્રવાતની અસરથી રાજસ્થાનમાં શુક્રવારથી જ વરસાદ થઇ રહ્યો છે. શનિવારે સવારે સાડા આઠ વાગ્યા સુધીના 24 કલાક દરમિયાન માઉન્ટ આબુમાં 210 મીમી, બાડમેરના સેવડામાં 136 મીમી, માઉન્ટ આબુ તાલુકામાં 135 મીમી, જાલૌરના રાનીવાડામાં 110 મીમી વરસાદ થયો છે.
Click it and Unblock the Notifications
Sign in with Google
