Delhi Exit Poll 2025 : દિલ્હીના મુસ્લિમ મતદારોએ કઈ પાર્ટીને મત આપ્યા?

Delhi Assembly Election 2025 : દિલ્હી વિધાનસભા ચૂંટણીમાં મુસ્લિમ મતદારો નિર્ણાયક સાબિત થાય છે. મુસ્લિમ મતદાન દિલ્હીની સત્તામાં પહોંચવા માટેની ચાવી મનાય છે.

2025ની વિધાનસભા ચૂંટણી એક્ઝિટ પોલના આંકડા દર્શાવે છે કે મુસ્લિમ મતદારોનો વિશ્વાસ આમ આદમી પાર્ટી પર કાયમ છે. ભાજપને કોંગ્રેસ કરતાં પણ વધુ મુસ્લિમ મતદારોના મત મળ્યા છે.

મેટ્રિક્સ એક્ઝિટ પોલ અનુસાર, આ વિધાનસભા ચૂંટણીમાં આપને 67 ટકા મુસ્લિમ મતદારોના મત મળી શકે છે તો ભાજપને 11% અને કોંગ્રેસને 9% મુસ્લિમ મતદારોના મત મળવાની સંભાવના છે.

આ સિવાય બાકીના 13% મુસ્લિમ મતદારો અન્ય પાર્ટીઓ સાથે જઈ શકે છે. 2020ની વિધાનસભા ચૂંટણીમાં 87% મુસ્લિમ મતદારોએ આપને મત આપ્યા હતા. મુસ્લિમ મતદારોના મતમાં આપની તરફથી થોડો ફેરફાર જોવા મળી રહ્યો છે.

દિલ્હીમાં ઓખલા, મુસ્તફાબાદ, સીમાપુરી, ચાંદની ચોક, મટિયામહલ, બલ્લીમારન, સીલમપુર, બાબરપુર, કરાવલ નગર અને જંગપુરા જેવા મુસ્લિમ બહુલ વિસ્તારોમાં ભારે મતદાન થયું છે. સાંજે 5 વાગ્યા સુધીમાં દિલ્હીમાં 57.70% મતદાન થયું છે તેમા મુસ્લિમ બહુલ વિસ્તારોમાં વધુ મતદાન નોંધાયું છે.

ચાંદની ચોકમાં 52.76%, મટિયામહલમાં 61.40%, બલ્લીમારનમાં 59.56%, ઓખલામાં 52.77%, સીમાપુરીમાં 62.47%, સીલમપુરમાં 66.14%, બાબરપુરમાં 54.51%, મુસ્તફાબાદમાં 66.68%, કરાવળ નગરમાં 62.74% અને જંગપુરામાં 55.2% મતદાન થયું છે.

દિલ્હી વિધાનસભા ચૂંટણીમાં આપ પાર્ટીએ એકવાર ફરીથી તે મુસ્લિમ નેતાઓ પર વિશ્વાસ જતાવ્યો છે, જેને પાછલી ચૂંટણીમાં પણ ટિકિટ આપવામાં આવી હતી. આમાં મંત્રી ઇમરાન હુસેન પણ શામેલ છે, જે બલ્લીમારનથી ઉમેદવાર છે.

બે વખતના વિધાયક અમાનતુલ્લાહ ખાનને ઓખલાથી ટિકિટ આપવામાં આવી છે. મટિયામહલથી શોએબ ઇકબાલ, મુસ્તફાબાદથી આદિલ અહમદ ખાન અને સીલમપુરથી ચૌધરી જુબૈર અહમદને ઉમેદવાર બનાવવામાં આવ્યા છે. આમાં ઓખલા અને મુસ્તફાબાદ સીટ પર આપને મોટા પડકારનો સામનો કરવો પડી રહ્યો છે.

English summary

Delhi Exit Poll 2025: Which party did Delhi's Muslim voters vote for?