ચૌટાલાની જામીન અરજી ફગાવાઇ, CBIને નોટીસ

Updated: Tuesday, February 10, 2015, 10:14 [IST]

નવી દિલ્હી, 15 ફેબ્રુઆરી: દિલ્હી હાઇ કોર્ટે જેલમાં પૂરાયેલા હરિયાણાના પૂર્વ મુખ્યમંત્રી ઓમપ્રકાશ ચૌટાલા દ્વારા દાખલ કરવામાં આવેલી વચગાળાના જામીનની અરજીને ફગાવી દીધી છે. ઓમપ્રકાશ ચૌટાલાએ સ્વાસ્થ્યના આધારે જામીનની માંગ કરી હતી.

કોર્ટે 78 વર્ષીય ચૌટાલાના આગ્રહ પર સીબીઆઇ પાસે જવાબ માંગ્યો અને જેલ અધિકારીઓએ તેમનો મેડિકલ રેકોર્ડ પણ માંગ્યો છે. પાંચવાર મુખ્યમંત્રી રહી ચૂકેલા ચૌટાલા 16 જાન્યુઆરીથી તિહાડ જેલમાં બંધ છે.

ન્યાયમૂર્તિ મુક્તા ગુપ્તાએ મામલાની સુનવણી ચાર એપ્રિલ સુધી સ્થગિત કરતા જણાવ્યું કે સીબીઆઇને નોટિસ જારી કરવામાં આવે. આવતી સુનવણીમાં તેમના મેડિકલ રેકોર્ડ કોર્ટ સમક્ષ મૂકવામાં આવે.

દિલ્હી હાઇ કોર્ટે નિચલી અદાલત દ્વારા 22 જાન્યુઆરીના રોજ આપવામાં આવેલ નિર્ણયને પડકારતી અને વચગાળાની જામીન અંગે ચૌટાલાની અરજીને ફગાવી દઇ નોટીસ જારી કરી છે. નિચલી અદાલતે જુનિયર શિક્ષકોની ભર્તી ઘોટાળામાં ચૌટાલાને દોષી ગણાવી દસ વર્ષની જેલની સજા સંભળાવી હતી.