દિલ્હી પોલીસે પાકિસ્તાનમાં ટ્રેનિંગ લેનારા 2 આતંકી સહિત છની ધરપકડ કરી!
દિલ્હી પોલીસના સ્પેશિયલ સેલે પાકિસ્તાનથી આયોજીત આતંકી મોડ્યુલનો પર્દાફાશ કર્યો હોવાનો દાવો કર્યો છે. પોલીસે આ કેસમાં છ લોકોની ધરપકડ કરી છે. બે શંકાસ્પદ આતંકવાદીઓ પણ છે, જેમણે પાકિસ્તાનમાં તાલીમ લીધી છે.
દિલ્હી પોલીસના સ્પેશિયલ સેલે પાકિસ્તાનથી આયોજીત આતંકી મોડ્યુલનો પર્દાફાશ કર્યો હોવાનો દાવો કર્યો છે. પોલીસે આ કેસમાં છ લોકોની ધરપકડ કરી છે. બે શંકાસ્પદ આતંકવાદીઓ પણ છે, જેમણે પાકિસ્તાનમાં તાલીમ લીધી છે. ડીસીપી સ્પેશિયલ સેલ પ્રમોદ કુશવાહાએ મંગળવારે જણાવ્યું હતું કે અમારી ટીમે પાકિસ્તાનના સંગઠિત આતંકવાદી મોડ્યુલનો પર્દાફાશ કર્યો અને દેશના વિવિધ શહેરોમાંથી આ લોકોની ધરપકડ કરી છે.
પ્રમોદ કુશવાહાએ જણાવ્યું કે, ધરપકડ કરાયેલા લોકો પાસેથી મોટા પ્રમાણમાં વિસ્ફોટકો અને હથિયારો મળી આવ્યા છે. તેમણે કહ્યું કે આ આતંકી મોડ્યુલ બહુ-રાજ્ય ઓપરેશન હેઠળ પકડાયું છે. પકડાયેલા લોકોની પૂછપરછ કરવામાં આવી રહી છે. આ લોકોમાંથી એક સમીર કોટામાંથી, બે દિલ્હીથી અને ત્રણ ઉત્તર પ્રદેશમાંથી પકડાયા છે. છમાંથી બે લોકોને મસ્કત મારફતે પાકિસ્તાન લઈ જવામાં આવ્યા હતા, જ્યાં તેમને 15 દિવસ સુધી એકે-47 સહિત વિસ્ફોટકો અને અન્ય હથિયારોનો ઉપયોગ કરવાની તાલીમ આપવામાં આવી હતી.
દિલ્હી પોલીસના સ્પેશિયલ સીપી નીરજ ઠાકુરે જણાવ્યું છે કે, ધરપકડ કરાયેલા લોકોએ કહ્યું છે કે તેમના જૂથમાં 14-15 બંગાળી ભાષી વ્યક્તિઓ હતા, જેમને કદાચ સમાન તાલીમ માટે લાવવામાં આવ્યા હતા. ઓપરેશન સરહદ પાર નજીકથી સંકલિત થતુ હોવાનું જણાય છે.
Click it and Unblock the Notifications
Sign in with Google
