દિલ્હીનું 'ટોઇલેટ મ્યુઝિયમ' વિશ્વના સૌથી અજીબ મ્યુઝિયમ્સમાં સામેલ

Published: Thursday, May 22, 2014, 16:48 [IST]

નવી દિલ્હી, 22 મે : ટાઇમ મેગેઝિન દ્વારા બનાવવામાં આવેલી દુનિયાના સૌથી વિચિત્ર 10 મ્યુઝિયમ્સની યાદીમાં ભારતની રાજધાની દિલ્હીમાં આવેલું 'સુલભ ઇન્ટરનેશનલ શૌચાલય સંગ્રહાલય' ત્રીજા ક્રમે આવ્યું છે.

દિલ્હીના આ મ્યુઝિયમમાં શૌચાલયોના છેલ્લા 4500 વર્ષોનો ઇતિહાસ દર્શાવવામાં આવ્યો છે. ટાઇમ મેગેઝિન દ્વારા આંતરરાષ્ટ્રીય સંગ્રહાલય દિવસના અવસરે આ યાદી બહાર પાડવામાં આવી હતી. જેમાં દિલ્હીના મ્યુઝિયમને ત્રીજું સ્થાન મળ્યું છે.

આ લિસ્ટમાં પ્રથમ ક્રમે આઇસલેન્ડનું ફિઝોલોજીકલ સંગ્રહાલય છે. બીજા ક્રમે અમેરિકાના મેસાચુસેટ્સમાં આવેલું બેર્ડ આર્ટ સંગ્રહાલય છે. ત્રીજા સ્થાને સુલભ ઇન્ટરનેશનલ શૌચાલય સંગ્રહાલય છે.

આ અંગે ટાઇમ મેગેઝિુને જણાવ્યું છે કે 'શું ક્યારેય પણ માનવીય ઇતિહાસમાં લોકોએ શૌચાલયના વિકાસની વાર્તા જાણવા ચાહી છે? જો હા, તો ભારતના આ મ્યુઝિયમમાં જવું જોઇએ. તેમાં શૌચાલયોના છેલ્લા 4500 વર્ષોનો ઇતિહાસ છે. અહીં સાધારણ ચેમ્બર પોટથી લઇને સજાવટી વિક્ટોરિયાઇ ટોઇલેટ' સુધીના ટોઇલેટ ઉપલબ્ધ છે. અહીં આપ એ તમામ ટોઇલેટ અને તેમનો વિકાસ જોઇ શકશો. અહીં એક શૌચાલય કબાટના સ્વરૂપમાં પણ છે.

આ છે સુલભ ઇન્ટરનેશનલ શૌચાલય સંગ્રહાલયની ઝલક...