અમને છેડશો નહીં, અમારી સામે ટકી નહીં શકો, અકબરૂદ્દીન ઓવૈસીએ આપી ચેતવણી
કોંગ્રેસ અને ઓલ ઈન્ડિયા મજલિસ-એ-ઈત્તેહાદુલ મુસલમીન (AIMIM) વચ્ચે વિવાદ વધી રહ્યો છે. હૈદરાબાદથી ચૂંટણી લડવા માટે AIMIMના વડાએ રાહુલ ગાંધીને ખુલ્લો પડકાર આપ્યા બાદ હવે તેમના નાના ભાઈ અકબરુદ્દીન ઓવૈસીએ કોંગ્રેસ પર પ્રહારો કર્યા છે.
અકબરુદ્દીન ઓવૈસીએ શનિવારે ચંદ્રાયગુટ્ટામાં આયોજિત એક કલ્યાણ કાર્યક્રમમાં સોનિયા ગાંધી અને કોંગ્રેસ પર આકરા પ્રહારો કર્યા હતા. તેઓએ કહ્યું કે અમને ચીડશો નહીં, તમે અમારી સામે ઊભા રહી શકશો નહીં.
અકબરુદ્દીને વધુમાં કહ્યું કે તમે પૂછો કે ઓવૈસી ક્યાંથી આવ્યા, અમને છેડશો નહીં. કોંગ્રેસના ગુલામો, હું તમને પૂછવા માંગુ છું, તમારી માતા ક્યાંથી આવી? અમને ચીડશો નહીં, તમે અમારી સામે ઊભા રહી શકશો નહીં.
અકબરુદ્દીન અહીં જ ન અટક્યા, તેમણે આગળ કહ્યું કે જેઓ મજલિસ પર આરોપ લગાવે છે, તમારા માસ્ટર, તમારી માતાએ એક પણ ઇમારત બનાવી? ઓવૈસીએ આટલી મોટી ઇમારતો બનાવી છે.
વાસ્તવમાં કોંગ્રેસના સાંસદ રાહુલ ગાંધી તેલંગાણામાં રેલી કરી રહ્યા હતા. રેલીમાં તેમણે ઓવૈસીની નીતિઓ પર સવાલો ઉઠાવ્યા હતા. આ સાથે રાહુલે કહ્યું કે ઓવૈસી ભાજપની નફરતની વિચારધારા ધરાવે છે. બંને પક્ષોની વિચારસરણી સમાન છે. આ પછી AIMIM ચીફ અસદુદ્દીન ઓવૈસીએ રાહુલ ગાંધીને હૈદરાબાદથી ચૂંટણી લડવાનો ખુલ્લો પડકાર ફેંક્યો હતો.
તેમણે કહ્યું કે રાહુલ ગાંધીએ વાયનાડથી નહીં પણ હૈદરાબાદથી ચૂંટણી લડવી જોઈએ. કોંગ્રેસ માત્ર વાતો કરે છે. જો તમારામાં હિંમત હોય તો મારી સામે આવીને લડો. હું તૈયાર છું.
Click it and Unblock the Notifications
Sign in with Google
