જો બિડેનના કાફલાના ડ્રાઇવરને કરાયો ગિરફ્તાર, જાણો શું છે કારણ?
અમેરિકી રાષ્ટ્રપતિ જો બિડેનનો ભારત પ્રવાસ ખતમ થઈ ગયો છે અને તેઓ નવી દિલ્હીથી વિયેતનામ જવા રવાના થઈ ગયા છે, પરંતુ સૂત્રોએ જણાવ્યું છે કે અમેરિકી રાષ્ટ્રપતિ જો બિડેનના કાફલાના એક ડ્રાઈવરને શનિવારે બેદરકારીપૂર્વક ડ્રાઈવિંગ કરવાના આરોપમાં દિલ્હીમાં અટકાયતમાં લેવામાં આવ્યો હતો.જો કે બાદમાં તેની પુછપરછ કરી છોડી દેવામાં આવ્યો હતો.
સૂત્રોએ જણાવ્યું કે, આ ઘટના ત્યારે બની જ્યારે યુએસ પ્રેસિડેન્ટના મોટરકાડે એક કાર હોટલ તાજમાં ઘૂસી ગઈ, જ્યાં UAEના પ્રમુખ મોહમ્મદ બિન ઝાયેદ અલ નાહયાન રોકાયા હતા. કાર પર ઘણા સ્ટીકરો હતા, જેના પછી સ્થળ પર હાજર સુરક્ષા અધિકારીઓએ તરત જ એલર્ટ જારી કર્યું હતુ.
રિપોર્ટ અનુસાર જ્યારે પૂછપરછ કરવામાં આવી ત્યારે કારના ડ્રાઈવરે કહ્યું કે તે સવારે 9.30 વાગ્યે ITC મૌર્ય પહોંચવાનો હતો, જ્યાં રાષ્ટ્રપતિ બિડેન રોકાયા હતા. પરંતુ, તે તેના એક યાત્રી સાથે હોટેલ તાજ પહોંચ્યો હતો, જેને તેણે લોથી એસ્ટેટ વિસ્તારમાંથી મળ્યો હતો.
ડ્રાઈવરે સુરક્ષા એજન્સીઓને કહ્યું કે તેને પ્રોટોકોલની જાણ ન હતી.
જે બાદ સુરક્ષા અધિકારીઓ દ્વારા થોડો સમય પૂછપરછ કર્યા બાદ તેને છોડી દેવામાં આવ્યો હતો અને ત્યારબાદ કાર અને ડ્રાઈવરને રાષ્ટ્રપતિ બિડેનના કાફલામાંથી હટાવી દેવામાં આવ્યો હતો.
તમને જણાવી દઈએ કે રાષ્ટ્રપતિ બિડેન શુક્રવારે બે દિવસીય G20 સમિટમાં ભાગ લેવા માટે રાષ્ટ્રીય રાજધાની પહોંચ્યા હતા અને તે જ દિવસે વડાપ્રધાન નરેન્દ્ર મોદી સાથે મુલાકાત કરી હતી અને ત્યારબાદ આજે સવારે દિલ્હીમાં મહાત્મા ગાંધીની સમાધિ રાજઘાટ પર શ્રદ્ધાંજલિ અર્પી હતી. જે બાદ તે વિયેતનામ જવા રવાના થયો હતો.
બિડેને શનિવારે G20 સમિટના મુખ્ય સત્રોમાં પણ ભાગ લીધો હતો.
Click it and Unblock the Notifications
Sign in with Google
