ચૂંટણી પંચે જાહેર કરી મહારાષ્ટ્ર-ઝારખંડ વિધાનસભા ચૂંટણીની તારીખો, જાણો શેડ્યુલ
Election Commission: મહારાષ્ટ્ર-ઝારખંડ વિધાનસભા ચૂંટણીની તારીખો ચૂંટણી પંચ દ્વારા જાહેર કરવામાં આવી છે. ઝારખંડમાં બે તબક્કામાં 13 નવેમ્બર અને 20 નવેમ્બરના રોજ મતદાન થશે. મહારાષ્ટ્રમાં 20 નવેમ્બરના રોજ એક જ તબક્કામાં મતદાન થશે. 23 નવેમ્બરના રોજ મતગણતરી કરવામાં આવે છે.
ઉલ્લેખનીય છે કે, ગુજરાત વિધાનસભાની વાવ બેઠક પર 13 નવેમ્બરના રોજ પેટાચૂંટણી યોજવામાં આવશે.
ચૂંટણી પંચે ઉત્તર પ્રદેશમાં યોજાનારી પેટાચૂંટણીની તારીખો પણ જાહેર કરી દીધી છે. 10 બેઠકો પર પેટાચૂંટણી માટે 13 નવેમ્બરના રોજ મતદાન થશે.
ઝારખંડમાં 2 તબક્કામાં મતદાન થશે. જેમાં પ્રથમ તબક્કાનું મતદાન 13 નવેમ્બરના રોજ અને બીજા તબક્કામાં મતદાન 20 નવેમ્બરના રોજ થશે. 23 નવેમ્બરના રોજ મતગણતરી બાદ પરિણામ જાહેર કરવામાં આવશે.
જમ્મુ-કાશ્મીરમાં 10 વર્ષ બાદ નવી સરકાર બનવા જઈ રહી છે. ઓમર અબ્દુલ્લા 16 ઓક્ટોબરે મુખ્યમંત્રી પદના શપથ લેશે. અત્રે ઉલ્લેખનીય બાબત છે કે, આ વખતે જમ્મુ-કાશ્મીર વિધાનસભા ચૂંટણીમાં નેશનલ કોન્ફરન્સ-કોંગ્રેસ ગઠબંધનનો વિજય થયો છે.
નોંધનીય છે કે, ઓમર અબ્દુલ્લા સરકારના શપથ લીધા બાદ જમ્મુ-કાશ્મીરની 4 ખાલી પડેલી રાજ્યસભા બેઠકો માટે ચૂંટણી યોજાશે.
ઝારખંડમાં કોંગ્રેસે જણાવ્યું હતું કે, તે ઝારખંડ મુક્તિ મોરચા સાથે ગઠબંધનમાં રાજ્યમાં વિધાનસભા ચૂંટણી લડશે, અને સીટ વહેંચણી અંગેનો અંતિમ નિર્ણય ટૂંક સમયમાં લેવામાં આવે તેવી અપેક્ષા છે.
ઝારખંડ કોંગ્રેસ સમિતિના પ્રદેશ અધ્યક્ષ કેશવ મહતોએ જણાવ્યું હતું કે, અમે રાજ્યમાં અમારા મતવિસ્તારો સાથે ચૂંટણી લડીશું. સીટોની વહેંચણી અંગે ટૂંક સમયમાં અંતિમ નિર્ણય લેવામાં આવશે. અમને અમારા વિકાસ કાર્યોના આધારે ચૂંટણી જીતવાનો વિશ્વાસ છે.
JMM એ પણ વિશ્વાસ વ્યક્ત કર્યો કે તેનું ગઠબંધન ફરીથી સત્તામાં આવશે. જેએમએમના સાંસદ મહુઆ માજીએ જણાવ્યું હતું કે, અમે સંપૂર્ણ રીતે તૈયાર છીએ. અમારી સરકાર આખું વર્ષ કામ કરે છે, પરીક્ષાના સમયમાં અલગથી અભ્યાસ કરવાની જરૂર નથી.
મહુઆ માજીએ જણાવ્યું હતું કે, અમને જનતાનો વિશ્વાસ મળી રહ્યો છે, આ અમારા માટે પૂરતું છે. અમે ફરીથી આ સરકારનું પુનરાવર્તન કરીશું અને JMM અને મહાગઠબંધનની સરકાર બનશે.
સીટ વહેંચણી પર મહુઆ માજીએ જણાવ્યું હતું કે, ચિંતા કરવાની જરૂર નથી, ગઠબંધનમાં સામેલ તમામ પક્ષો વચ્ચે વાતચીત ચાલી રહી છે.
મજબૂત ઉમેદવારને ટિકિટ આપવામાં આવશે. મુદ્દો વિકાસનો છે, અને અમારો ઉદ્દેશ્ય ઝારખંડને નંબર વન રાજ્ય બનાવવાનો છે.
ઝારખંડને લઈને આજે ભાજપની કેન્દ્રીય ચૂંટણી સમિતિની બેઠક, વડાપ્રધાન હાજરી આપશે. મહારાષ્ટ્રને લઈને બુધવારના રોજ ફરી કેન્દ્રીય ચૂંટણી સમિતિની બેઠક મળશે.
ઝારખંડમાં કોર ગ્રુપની બેઠકમાં દરેક સીટ માટે ત્રણ ઉમેદવારો પર વિચાર કરવામાં આવ્યો છે. આજે કેન્દ્રીય ચૂંટણી સમિતિની બેઠકમાં કોર ગ્રુપ દ્વારા બનાવવામાં આવેલી યાદી પર વિચાર કરવામાં આવશે.
ઝારખંડમાં, ભાજપ AJSUને 9 બેઠકો, JDUને 2 અને LJPને 1 બેઠક આપી શકે છે, જ્યારે LJP 4 બેઠકો માંગી રહી હતી. આદિવાસી પટ્ટાની 28 બેઠકો પર આદિવાસી ઉમેદવારો ઊભા કરશે.
ઉલ્લેખનીય છે કે, ઉમેદવારોની યાદીમાં ચંપાઈ સોરેન અને સીતા સોરેનની પુત્રીનું નામ પણ સામેલ છે. ઉમેદવારોને તેમની જીતવાની તકોના આધારે જ ટિકિટ આપવામાં આવશે.
ઝારખંડમાં કુલ મતદારોની સંખ્યા 2.6 કરોડ છે, જેમાંથી 1.29 કરોડ મહિલા અને 1.31 કરોડ પુરૂષ મતદારો છે. પ્રથમ વખત મતદારોની સંખ્યા 11.84 લાખ છે. ત્યાં 29,562 મતદાન મથકો હશે.
મહારાષ્ટ્રમાં કુલ મતદારોની સંખ્યા 9.63 કરોડ છે. જેમાં 4.97 કરોડ પુરૂષ અને 4.66 કરોડ મહિલા મતદારો છે. 20.93 લાખ પ્રથમ વખત મતદાન કરશે. મહારાષ્ટ્રમાં 1,00,186 મતદાન મથકો છે.
Maharashtra to vote in a single phase on 20th November. Counting of votes on 23rd November.#MaharashtraElection2024 pic.twitter.com/U48nySwK41
— ANI (@ANI) October 15, 2024
Click it and Unblock the Notifications
Sign in with Google
