ચૂંટણીપંચ 11:30 કલાકે યોજશે પ્રેસ કોન્ફરન્સ, જાહેર થઇ શકે છે Karnataka Electionની તારીખ

Karnataka Election : ચૂંટણીપંચ આજે સવારે સાડા અગિયાર કલાકે એક પ્રેસ કોન્ફરન્સ યોજશે. આ કર્ણાટક વિધાનસભાની ચૂંટણીની તારીખ જાહેર થઇ શકે છે.

કર્ણાટકમાં છેલ્લી ચૂંટણીની જેમ એક જ ચરણમાં મતદાનની જાહેરાત થઇ શકે છે. ઉલ્લેખનીય છે કે, આ વખતે 24 મેના રોજ કર્ણાટક વિધાનસભાનો કાર્યકાળ સમાપ્ત થઇ રહ્યો છે.

2018ની ચૂંટણીના પરિણામો

2018ની કર્ણાટક વિધાનસભા ચૂંટણી (Karnataka Election ) માં ભાજપે 224 બેઠકોવાળી વિધાનસભામાં 104 બેઠકો જીતી હતી. સૌથી મોટી પાર્ટી હોવા છતાં ભાજપ સત્તાથી દૂર રહી હતી. જેડીએસ અને કોંગ્રેસે ચૂંટણી પછીના ગઠબંધનમાં સરકાર બનાવી હતી. જે બાદમાં કોંગ્રેસ અને જેડીએસના ધારાસભ્યોના રાજીનામાથી કુમારસ્વામી સરકારનું પતન થયું હતું. ધારાસભ્યોના પક્ષપલટા બાદ ભાજપે બીએસ યેદિયુરપ્પાના નેતૃત્વમાં સરકાર બનાવી હતી.

યેદિયુરપ્પાએ છોડી દીધું હતું સીએમ પદ

કર્ણાટક ભાજપના વરિષ્ઠ નેતા યેદિયુરપ્પાએ 26 જુલાઈ, 2021ના​રોજ તેમના ચોથા કાર્યકાળની બીજી વર્ષગાંઠના રોજ મુખ્યપ્રધાન તરીકે રાજીનામું આપ્યું હતું. 28 જુલાઈ, 2021ના રોજ બસવરાજ બોમાઈએ તેમનું સ્થાન લીધું હતું. રાજ્યમાં હવે ચૂંટણી થવાની છે.

આ પહેલા ભાજપ અને કોંગ્રેસ બંને આંતરિક કલહમાંથી પસાર થઈ રહ્યા છે. ભાજપ પૂર્વ સીએમ બીએસ યેદિયુરપ્પા અને સીએમ બસવરાજ બોમાઈ વચ્ચેના મતભેદોને ઉકેલવામાં વ્યસ્ત છે. આ સાથે કોંગ્રેસ કર્ણાટક પ્રમુખ ડીકે શિવકુમાર અને પૂર્વ મુખ્યમંત્રી સિદ્ધારમૈયાને એક કરવામાં વ્યસ્ત છે.

English summary

Election Commission will hold a press conference, date of Karnataka Election may be announced