પાંચમા તબક્કાનું મતદાન પૂર્ણ, 51 સીટ પર થયું 62.56 ટકા વોટિંગ

નવી દિલ્હીઃ છઠ્ઠી મેના રોજ 7 રાજ્યોની 51 લોકસભા સીટ પર મતદાન થનાર છે. જેમાં ઉત્તર પ્રદેશના 14, બિહારની 5, મધ્ય પ્રદેશની 7, રાજસ્થાનની 13, ઝારખંડની 4, જમ્મુ અને કાશ્મીરની 2, પશ્ચિમ બંગાળની 7 સીટ પર મતદાન થશે. આ તબક્કો પણ ભાજપ માટે ભારે મહત્વનો છે કેમ કે આમાંથી મોટાભાગની સીટ ભાજપના ખાતામાં છે અને સરકાર બનાવવા માટે આ સીટો બચાવી રાખવી પાર્ટી માટે અતિ મહત્વની છે. જેમાંથી ઉત્તર પ્રદેશની રાયબરેલી અને અમેઠી સીટ છોડી બાકીની બધી જ સીટો ભાજપ પાસે છે. જ્યારે રાજસ્થાનની આ 13 સીટને પણ ભાજપે 2014માં જીતી હતી. આવી જ રીતે મધ્ય પ્રદેશની તમામ 7 સીટોને ભાજપે 2014ની લોકસભા ચૂંટણીમાં જીતી હતી. બિહારની પણ ચાર સીટ ભાજપના ખાતામાં છે. આ હિસાબે પાંચમા તબક્કાની ચૂંટણી પણ ભાજપ માટે પરીક્ષા સમાન હશે. ઉત્તર પ્રદેશમાં સપા અને બીએસપીનું ગઠબંધન જ્યાં કેટલીય સીટો પર ભાજપ માટે ખતરો બની ગયું છે તો રાજસ્થાનમાં વિધાનસભા ચૂંટણી બાદથી કોંગ્રેસમાં ઉત્સાહ દેખાઈ રહ્યો છે. જો કે જમીની સ્તરે ભાજપ પીએમ મોદીના ચેહરાના દમ પર તગડી ટક્કર આપી રહ્યું છે. જો બિહારની વાત કરીએ તો અહીં ભાજપ, જેડીયૂ અને એલજેપીનું ગઠબંધન વોટ ટકાવારીના હિસાબે આગળ છે.

English summary

election held on 51 lok sabha seats of 7 states in 5th phase, get live update.