Exit Poll : ઉત્તર પ્રદેશમાં ભાજપનું કમળ ખીલશે કે સાયકલ દોડશે?

ઉત્તર પ્રદેશ વિધાનસભા ચૂંટણી 2017નું પરિણામ 11 માર્ચે બધાની સામે આવશે. આ પરિણામ બહાર આવે તે પહેલા અનેક ચેનલ એક્ઝિટ પોલ લઇને આવી રહી છે. તો જાણો શું કહે છે એક્ઝિટ પોલ યુપી ચૂંટણી પર...

Updated: Thursday, March 9, 2017, 19:57 [IST]

યુપી વિધાનસભા ચૂંટણી 2017ના પરિણામો 11 માર્ચે જાહેર કરવામાં આવશે. આ પરિણામો આવે તે પહેલા અનેક મીડિયા ચેનલ આ અંગેના તેમના એક્ઝિટ પોલને લઇને આવશે. ત્યારે યુપી વિધાનસભા ચૂંટણી 2017માં કોને કેટલી સીટો મળશે અને ઉત્તર પ્રદેશમાં કમળ ખીલશે કે સાયકલ દોડશે તે અંગે વધુ જાણો અહીં.

ટાઇમ્સ નાઉ- વીએમઆર સર્વે મુજબ બીજેપીને 190 થી 210 સીટો મળી શકે છે. એસપી કોંગ્રેસને 110 થી 130 સીટો મળવાની સંભાવના છે. બીએસપીને 57થી 74 સીટો મળવાની સંભાવના છે. અને અન્યના ખાતામાં 8 સીટો આવશે

ન્યૂઝ એક્સ- MRC સર્વેક્ષણ : બીજેપીને 185 સીટો મળશે. એસપી કોંગ્રેસને 120 સીટો અને બીએસપીને 90 સીટો મળશે.

ઇન્ડિયા ન્યૂઝ મુજબ યુપીમાં એસપી-કોંગ્રેસને 120, ભાજપને 185, બીએસપીને 90 અને અન્યને 8 સીટો મળશે.

સમાચાર ચેનલ ઇન્ડિયા ટીવી અને સર્વે એજન્સિ સી-વોટર્સ અનુસાર, ભાજપને 155 થી 165 સીટો મળશે, સપા-કોંગ્રેસ ગઠબંધનને 135 થી 147 સીટો, બસપાને 81 થી 93 સીટો અને અન્યને 8 થી 20 સીટો મળે એવી સંભાવના છે.

એબીપી ન્યૂઝ-સીએસડીએસ દ્વારા યુપીમાં ભાજપ સૌથી મોટી પાર્ટી હોવાનું અનુમાન કરવામાં આવ્યું છે. ભાજપને 164થી 176 સીટો મળી શકે એમ છે. સપા-કોંગ્રેસ ગઠબંધન 156થી 169 સીટો સાથે બીજા નંબર પર છે. માયાવતીની પાર્ટી બસપાને 60 થી 72 સીટો મળવાનું અનુમાન છે, જ્યારે અન્યોને 2થી 6 સીટો મળવાની સંભાવના વ્યક્ત કરવામાં આવી છે.