ATMમાંથી નીકળી ચિલ્ડ્રન બેંક ઓફ ઇન્ડિયાની રૂ.2000ની નોટ

એટીએમમાંથી નકલી નોટો નીકળતાં પોલીસ ફરિયાદ નોંધાવવામાં આવી છે. પોલીસે એક એફઆઇઆર નોંધી મામલાની તપાસ હાથ ધરી છે. નકલી નોટ એટીએમમાં કેવી રીતે આવી એની પણ તપાસ ચાલી રહી છે.

નોટબંધી બાદ બજારમાં મુકવામાં આવેલી રૂપિયા 2000ની નોટને લઇને વધુ એક ફરિયાદ સામે આવી છે. દિલ્હી ના સંગમ વિહાર વિસ્તારના એટીએમ માંથી રૂપિયા 2000ની નકલી નોટ નીકળી છે. આ નોટ પર રિઝર્વ બેંક ઓફ ઇન્ડિયાની જગ્યાએ ચિલ્ડ્રન બેંક ઓફ ઇન્ડિયા લખેલું હતું.

એટીએમમાં ક્યાંથી આવી નકલી નોટ?

એટીએમમાંથી નકલી નોટ નીકળ્યા બાદ પોલીસને ફરિયાદ કરવામાં આવી છે. પોલીસે એફઆઇઆર નોંધી આ મામલે તપાસ હાથ ધરી છે. નકલી નોટ એટીએમમાં ક્યાંથી આવી એની પણ તપાસ થઇ રહી છે. બેંકમાંથી જ નકલી નોટ એટીએમમાં જમા થઇ હતી કે પછી એટીએમમાં પૈસા નાંખતી વખે ગડબડ થઇ છે, એની ચકાસણી પોલીસ કરી રહી છે.

બીએસએફ એ પણ સિઝ કરી હતી નકલી નોટો

આ પહેલીવાર નથી, જ્યારે રૂ.2000ની નોટ અંગેની ફરિયાદ સામે આવી હોય. શરૂઆતમાં એટીએમમાંથી અડધી છપાયેલી નોટો નીકળી હોવાની પણ ફરિયાદ મળી હતી. આ સિવાય નોટ બજારમાં મુકાયાના બે દિવસની અંદર જ તેની ફોટોકોપી દ્વારા છેતરપિંડીનો મામલો પણ સામે આવ્યો હતો. હાલમાં જ બીએસએફ દ્વારા 96000 રૂપિયાની 2000ની નકલી નોટો કબજે કરવામાં આવી હતી.

English summary

Fake note of rs 2000 found in an ATM in Delhi FIR registered.