• search

પાકિસ્તાનમાં છપાઇ રહી છે 2000ની નકલી નોટો

By Shachi
Subscribe to Oneindia News
For Quick Alerts
ALLOW NOTIFICATIONS
For Daily Alerts

    ગત વર્ષે 8 નવેમ્બરના રોજ નોટબંધી લાગુ કરવા પાછળનું એક મુખ્ય કારણ હતું, પાકિસ્તાન થી આવતા નકલી ચલણી નાણાં પર રોક લગાવવી. પરંતુ વડાપ્રધાન નરેન્દ્ર મોદીનો આ દાવ સફળ થયો લાગતો નથી. પાકિસ્તાનમાં છપાયેલી નકલી 2000ની ચલણી નોટ બાંગ્લાદેશ બોર્ડરથી ભારતમાં આવી રહી છે અને આપણી અર્થવ્યવસ્થાને નબળી પાડી રહી છે. છેલ્લા થોડા સમયમાં બીએસએફ એ કેટલાક લોકોને નકલી ચલણી નોટો સાથે પકડતાં પાકિસ્તાનથી ભારત આવી રહેલી આ નકલી નોટોની વાત સાફ થઇ છે.

    rs 2000

    ઇન્ડિયન એક્સપ્રેસના અહેવાલ અનુસાર, નકલી ચલણી નોટો પકડાવાનો તાજો બનાવ 8 ફેબ્રુઆરીનો છે. 8 ફેબ્રુઆરીના રોજ પશ્ચિમ બંગાળના મુર્શિદાબાદમાં રૂપિયા 2000ની 40 નકલી નોટો સાથે 26 વર્ષીય અજીજુર્રહમાનને પકડવામાં આવ્યો હતો. તેણે આ નોટો પાકિસ્તાનમાં છપાઇ હોવાની તથા આઇએસઆઇ ની મદદથી ભારત પહોંચી હોવાની વાત કહી હતી. છેલ્લા અઢી મહિનામાં આવા ઘણા મામલાઓ સામે આવ્યા છે.

    નવી નોટોમાં કોઇ સુરક્ષા ફીચર નહીં

    નકલી નોટોના સ્મગલર આ નોટો 400થી 600 રૂપિયામાં આપે છે. આ 200 રૂપિયાને ફરક નોટની ગુણવત્તાને કારણે છે. જપ્ત કરેલી નોટોની તપાસ કરતાં જાણવા મળ્યું કે, નવી નોટોમાં જે 17 સુરક્ષા ફીચર આપવામાં આવ્યા છે, એમાંથી 11 ફીચર નકલી નોટો પર પણ અદ્દલ કોપી કરવામાં આવ્યા છે. જેમાં વોટરમાર્ક, અશોક સ્તંભ અને આરબીઆઇ ગવર્નરની સહીનો પણ સમાવેશ થાય છે. જો કે, આ નોટોની પ્રિન્ટિંગ અને કાગળની ગુણવત્તા ખરાબ છે. એક સીનિયર અધિકારીના જણાવ્યા અનુસાર, નોટબંધી બાદ નકલી નોટોનો પહેલો મામલો ડિસેમ્બરના છેલ્લા અઠવાડિયામાં સામે આવ્યો હતો. ત્યારથી લઇને અત્યાર સુધીમાં આ નકલી નોટોમાં એટલો સુધારો કરવામાં આવ્યો છે કે, સામાન્ય માણસ માટે નકલી નોટની ઓળખ કરવી મુશ્કેલ છે.

    અહીં વાંચો - જેસલમેરની ભારત-પાકિસ્તાન બોર્ડર પાસે ISI જાસૂસની ધરપકડ

    ચલણી નોટોની પ્રિન્ટિંગ સાથે જોડાયેલા સીનિયર અધિકારીનું કહેવું છે કે, જૂની નોટોની સરખામણીએ આ નવી નોટોમાં સુરક્ષાના ફીચર આપવામાં નથી આવ્યા. કારણ કે સુરક્ષા ફીચર નાંખવા માટે સમય જોઇએ અને નવી નોટોના છાપકામ માટે ખૂબ ઓછો સમય હતો. ગુપ્ત વિભાગ તરફથી જાણકારી મળ્યા બાદ બોર્ડરની આસપાસના વિસ્તારમાંથી અઢી મહિનાની અંદર લગભગ ચાર કરોડ રૂપિયાની નકલી ચલણી નોટો જપ્ત કરવામાં આવી છે.

    English summary
    Fake Rs 2000 notes from Pakistan reach India via Bangladesh border.

    For Breaking News from Gujarati Oneindia
    Get instant news updates throughout the day.

    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more