ટૅટૂ કન્વેંશનમાં સૌની સામે ટૉપલેસ થઈ સોફિયા

ફરીદાબાદ, 6 ઑક્ટોબર : હરિયાણામાં ફરીદાબાદ સ્થિત સૂરજકુંડ ખાતે ઇન્ટરનેશનલ ટૅટૂ કન્વેંશનમાં ડાંસર સોફિયાએ સૌની સામે કપડાં ઉતારી નાંખ્યા. તેથી ત્યાં ઉપસ્થિત દર્શકો હેરાન અને આયોજકો મુશ્કેલીમાં મુકાઈ ગયાં. ફાયર શોમાં સ્પેનની કલાકાર સોફિયા ડાંસ કરતાં-કરતાં એકદમ ટૉપલેસ થઈ ગઈ. આ દૃશ્ય જોયા બાદ આયોજકો એકદમથી ગભરાઈ ગયાં અને તેમણે શો વચ્ચે જ થંભાવી દીધો અને સોફિયાને તરત ચાદર ઢાંકી સ્ટેજ ઉપરથી બહાર લઈ જવાઈ.

જ્યારે આ અંગે આયોજકોને સવાલ કરવામાં આવ્યો કે સોફિયાએ આવું કેમ કર્યું તો તેમનો જવાબ હતો કે ફાયર ડાંસ દરમિયાન કપડાં ઉતરી જાય છે. તેથી જ સોફિયાએ કપડા ઉતારી નાંખ્યા, પણ તેને ખબર નહોતી કે ભારતમાં આવું ન કરી શકાય. જે કઈં થયું છે તે અજાણતા થયું છે. આયોજકોએ તેને એવું કરવામાં નહોતુ કહ્યું, જ્યારે સોફિયાએ જણાવ્યું કે તેણે કોઈ અશ્લીલ હરકત કરી નથી. આ એક નૉર્મલ ડાંસ હતું.

આપને જણાવી દઇએ કે સામાજિક સંગઠનો આ બનાવની ટીકા કરી રહ્યાં છે તો ઇન્ટરનેશનલ ટૅટૂ કન્વેંશન સૂરજકુંડ ખાતે બેધકડ ચાલું જ છે. ઉલ્ટાનું ટૉપલેસ થવાના બનાવે કન્વેંશનમાં ગિર્દી બમણી કરી નાંખી છે. તેથી સામાજિક સંગઠનોનું કહેવું છે કે આ બધુ ભીડ એકત્ર કરવા માટે જાણી જોઈને કરવામાં આવ્યું છે.

English summary

Police shocked After Sophia Disgrace goes topless in 2nd India International Tattoo Convention In Faridabad Haryana.