Elvish Yadav સામે ગુરુગ્રામમાં FIR નોંધાઈ, મારપીટનો વીડિયો વાયરલ, #ArrestElvishYadav થઈ રહ્યુ છે ટ્રેન્ડ
YouTuber Elvish Yadav News: યુટ્યુબર અને બિગ બૉસ વિનર એલ્વિશ યાદવ ફરી એકવાર વિવાદમાં છે. આ વખતે અન્ય યુટ્યુબર સાથે તેની મારપીટનો વીડિયો સોશિયલ મીડિયા પર વાયરલ થઈ રહ્યો છે. જે બાદ એલ્વિશ યાદવ વિરુદ્ધ ગુરુગ્રામ સેક્ટર 53 પોલીસ સ્ટેશનમાં કેસ નોંધવામાં આવ્યો છે.
વાસ્તવમાં, સોશિયલ મીડિયા પર વાયરલ થયેલા એક વીડિયોમાં એલ્વિશ યાદવ એક યુવકને મારતો જોવા મળી રહ્યો છે. બીજો વ્યક્તિ પણ યુટ્યુબર છે, જેનું નામ સાગર ઠાકુર ઉર્ફે 'મેક્સટર્ન' છે. વીડિયોમાં એલ્વિશ યાદવ તેની સાથે મારપીટ કરતો જોવા મળી રહ્યો છે.
હવે આ સમગ્ર મામલે ગુરુગ્રામ સેક્ટર 53 પીએસમાં એલ્વિશ યાદવ વિરુદ્ધ મારપીટ અને જાનથી મારી નાખવાની ધમકીનો કેસ નોંધવામાં આવ્યો છે. સોશિયલ મીડિયા પર એક વીડિયો વાયરલ થયો છે, જેમાં તે કથિત રીતે એક વ્યક્તિને મારતો જોવા મળી રહ્યો છે.
એલ્વિશ યાદવ અને તેના સાથીઓએ સેક્ટર-53 સ્થિત સાઉથ પોઈન્ટ મોલમાં સાગર ઠાકુર ઉર્ફે 'મેક્સટર્ન' નામના યુટ્યુબર પર હુમલો કર્યો હતો. જેની ફરિયાદ પર પોલીસે શુક્રવારે મોડી રાત્રે સેક્ટર-53 પોલીસ સ્ટેશનમાં આઈપીસીની કલમ 149, 147, 323 અને 506 હેઠળ કેસ નોંધ્યો હતો અને તપાસ શરૂ કરી હતી.
વાસ્તવમાં, ફ્રેન્ડલી ક્રિકેટ મેચ (ઇન્ડિયન સ્ટ્રીટ પ્રીમિયર લીગ) પછી, મુન્નવર ફારુકી અને એલ્વિશ યાદવની ઘણી તસવીરો વાયરલ થઈ હતી, જેના કારણે એલ્વિશ યાદવનો યુટ્યુબર સાથે વિવાદ થયો હતો. મેક્સટર્નએ એલ્વિશને લગતા કેટલાક મીમ્સ શેર કર્યા હતા, જે બાદ મામલો લડાઈમાં ફેરવાઈ ગયો હતો.
આ સમગ્ર ઘટના બાદ #ArrestElvishYadav X પર ટ્રેન્ડ કરી રહ્યો છે. લોકો એલ્વિશ યાદવની જોરદાર ટીકા કરી રહ્યા છે. યુઝર્સ એલ્વિશની ધરપકડની માંગ કરતા જોવા મળી રહ્યા છે. આ લડાઈનો વીડીયો મોટા પ્રમાણમાં શેર કરવામાં આવી રહ્યો છે.
इल्विश यादव का यह वीडियो वायरल हो रहा है. मारपीट से पहले इल्विश यादव ने धमकी दी थी. जिसके बाद फिल्मी अंदाज में पहुंच लड़के को बुरी तरह पीटा. pic.twitter.com/usL9gGfvHN
— Priya singh (@priyarajputlive) March 8, 2024
Click it and Unblock the Notifications
Sign in with Google
