Ekana Stadium Accident: સીએમ યોગીની ઝાટકણી બાદ આખરે ઈકાના સ્ટેડિયમ પ્રશાસન સામે નોંધાઈ FIR
Ekana Stadium Accident: ઉત્તર પ્રદેશની રાજધાનીના ઈકાના સ્ટેડિયમમાં સોમવારે સાઈનબોર્ડ પડતાં માતા-પુત્રીનું મોત થયું હતું. આ દુર્ઘટના બાદ સીએમ યોગીએ અધિકારીઓની આકરી ઝાટકણી કરી હતી. યોગીની કડકાઈ બાદ મંગળવારે મોડી સાંજે ઈકના સ્ટેડિયમ પ્રશાસન વિરુદ્ધ એફઆઈઆર દાખલ કરવામાં આવી હતી.
ઈકાના સ્ટેડિયમની બહાર 38 વર્ષીય મહિલા અને તેની પુત્રીનું મોત થયું હતું. આ અકસ્માતમાં તેના ડ્રાઈવરને અકસ્માતમાં ઈજાઓ થવા પામી છે. અકસ્માત બાદ એલડીએ દ્વારા સમગ્ર શહેરમાં ગેરકાયદે હોર્ડિંગ્સ સામે જોરદાર ઝુંબેશ શરૂ કરવામાં આવી છે.
હોર્ડિંગ સાથે જોડાયેલ એક વિશાળ પોલ તેમની એસયુવી પર પડ્યો હતો. લખનઉ પોલીસે ઈકાના સ્ટેડિયમ પ્રશાસન વિરુદ્ધ FIR નોંધી છે. એડિશનલ ડીસીપી સાઉથ ઝોન, શશાંક સિંઘે જણાવ્યું હતું કે ઈકાના વહીવટીતંત્ર સામે IPC 304A (બેદરકારીથી મૃત્યુનું કારણ) અને IPC 338 (અન્યના જીવન અથવા વ્યક્તિગત સલામતીને ગંભીર નુકસાન પહોંચાડવા) હેઠળ કેસ નોંધવામાં આવ્યો હતો.
તેમણે કહ્યું કે ડ્રાઈવરના ભાઈ મુબીનની ફરિયાદ પર FIR દાખલ કરવામાં આવી છે. એડીસીપી સિંહે કહ્યું કે તેમણે ઈકાના વહીવટીતંત્રને પત્ર લખીને હોર્ડિંગ અને તેના ઇન્સ્ટોલેશનને લગતી તમામ વિગતો પ્રદાન કરવા અને આપેલા પરિમાણોને અનુસરવા જણાવ્યું છે. વળી, તેમણે કહ્યુ કે, 'અમે ફોરેન્સિક નિષ્ણાતો દ્વારા ગુનાના સ્થળે તકનીકી નિરીક્ષણ કરાવીશુ.'
Click it and Unblock the Notifications
Sign in with Google
