પદ્મિની બની દેશની પ્રથમ ટ્રાંસજેંડર ન્યૂઝ એંકર

By Kumar Dushyant

Published: Friday, September 19, 2014, 15:07 [IST]

કોઇમ્બતુરની 31 વર્ષની ટ્રાંસજેંડર પદ્મિની પ્રકાશે પોતાની મહેનત અને લગનના લીધે પોતાનામાં એક ઉદાહરણ પુરૂ પાડ્યું છે. સામાજિક પડકારો અને વિધ્નોની સામે હાર ન માનનાર પદ્મિની આ વર્ષે સ્વતંત્રતા દિવસના અવસર પર હેડલાઇન્સ વાંચવાની સાથે જ દેશની પ્રથમ ટ્રાંસજેંડર ન્યૂઝ એંકર બની ગઇ. એંકર બન્યા બાદ શરૂઆતના બે દિવસોમાં થોડી મુશ્કેલીઓ તો આવી પરંતુ આકરી મહેનતના લીધે પોતાના કામમાં તેને મહારત પ્રાપ્ત કરી લીધી અને લગભગ એક મહિના બાદ જ પદ્મિની કોઇમ્બતુરના લોટસ ન્યૂઝ ચેનલના 7 વાગ્યાના સાંજના વિશેષ બુલેટિનનો ચહેરો બની ગઇ.

કોઇમ્બતુરના આરએસ પૂરમમાં ઉછરેલી પદ્મિનીએ એક ટીવી સીરિયલમાં પણ એક્ટિંગ કરી છે. તેમને ટ્રાંસજેંડર હોવાના લીધે ઘણા પ્રકારની સમસ્યાઓનો સામનો કરવો પડ્યો. જ્યારે બી.કોમ પ્રથમ વર્ષની વિદ્યાર્થી હતી તો ટ્રાંસજેંડરો પ્રત્યે સામાજિક વિચારસણીના લીધે પરિવાર સાથે બધા સંબંધો તોડવા પડ્યા. જેથી તે પોતાનો અભ્યાસ પુરો કરી ન શકી. ત્યારબાદ જ્યારે તેમને સેક્સુઅલ માઇનોરિટીઝ (ટ્રાંસજેંડર, ગે, લેસ્બિયન વગેરે)ની સાથે થનાર ભેદભાવ, ઉત્પીડન અને અન્ય પ્રકારની સામાજિક સમાસ્યાઓ વિરૂદ્ધ અવાજ બુલંદ કર્યો તે સમયે પણ તેમને ઘણી મુશ્કેલીઓનો સામનો કરવો પડ્યો.

તેમને મુશ્કેલીઓ અને પરિસ્થિતીઓ સામે હાર ન માની. તે પોતાનું સ્થાન મેળવવા માટે પ્રયત્નશીલ રહી. ઘર સાથે સંબંધ તોડ્યા બાદ અને અભ્યાસ છોડ્યા બાદ તેમને પોતાના રાજ્યમાં અને બહાર ઘણા રાજ્યોની યાત્રા કરી. પછી તે તમિલનાડુ પરત ફરી અને તે ભારતનાટ્યમ ડાંસની ઇંસ્ટ્રક્ટર બની ગઇ.

પદ્મિની જ્યારે એંકરિંગના મેદાનમાં આવી તો શરૂઆતમાં તેમને થોડી મુશ્કેલી લાગી. તેમણે જણાવ્યું કે તેને એક લાઇવ ન્યૂઝ શો એંકરિંગ કરવો ખૂબ પડકારજનક કામ લાગ્યું કારણ કે તેમાં ભૂલોને કોઇ સ્થાન હોતું નથી અને તેના માટે જવાબદાર હોવાની સાથે-સાથે પક્ષપાત રહિત પણ થવું પડે છે.

પદ્મિનીએ જણાવ્યું હતું કે 'શરૂઆતમાં આ કામ મને થોડું મુશ્કેલ લાગ્યું કારણ કે મેં ખૂબ સમજી વિચારીને બોલવું પડતું હતું અને પોતાના ઉચ્ચારણ પર કાબૂ રાખવો પડતો હતો. ઘટના પર પણ સંતુલન બનાવી રાખવું પડે છે, જેથી મારી વાત દર્શકોને સમજમાં આવી શકે. પરંતુ પછી તેમને એટલી મહારત પ્રાપ્ત કરી લીધી કે મીડિયાના દિગ્ગજ લોકો હવે તેમની પ્રશંસા કરતાં થાકતા નથી. આ ઉપરાંત પોતાના બોસ દ્વારા વખાણ કરતાં તેમનો વિશ્વાસ મજબૂત બન્યો.

લોટ્સ ન્યૂઝ ચેનલના ચેરમેન જેકેએસ સેલ્વાકુમારે કહ્યું 'અમે પદ્મિનીને દરેક પ્રકારનું સમર્થન અને મદદ કરી રહ્યાં છીએ કારણ કે તે ખૂબ જ મહેનતું છે. શરૂઆતમાં ટ્રાયલ બાદ અમે સમજી ગયા કે તેની અંદર એક સારી ન્યૂઝ એંકર બનવાની આવડત છે.'

ટીવી ટૉક શોની પ્રથમ ટ્રાંસજેંડર હોસ્ટ બનનાર રોજ વેકટેશને પદ્મિની વિશે પૂછવામાં આવતાં કહ્યું કે તેમને પદ્મિનીની આવડત પર કોઇ શંકા નથી. તેમણે કહ્યું કે 'હું જાણું છું છું તે એક મહેનતું અને મક્કમ ઇરાદાવાળી છે. હું જાણું છું કે તે દબાણનો સામનો કરવા માંગે છે.' પદ્મિની હવે કોયંમ્બતુરના એક શહેરી વિસ્તારમાં વેલાકિનારમાં પોતાના પાર્ટનરની સાથે રહે છે. તેમણે ઘણા ટ્રાંસજેંડર બ્યૂટી કોન્ટેસ્ટમાં ભાગ લીધો અને એવોર્ડ પણ મળ્યા છે.

Published On September 19, 2014