અપહરણ કરાયેલી વિદ્યાર્થિનીને શોધવા ફેસબુક પર ઝૂંબેશ

પટણા, 31 ઓક્ટોબર: બિહારમાં અપહરણ કરાયેલી 12 વર્ષની વિદ્યાર્થિનીને શોધવા તેના મિત્રોએ સોશિયલ નેટવર્કિંગ સાઇટ ફેસબુક પર એક અભિયાનની શરૂઆત કરી છે. અપહરણ કરાયેલી આ વિદ્યાર્થિનીને શોધવામાં રાજ્ય પોલીસના ઉદાસીનતાભર્યા વલણને પગલે તેના શાળાના મિત્રોએ તેને શોધવા માટે આ ઝૂંબેશ હાથ ધરી છે.

મુઝફ્ફરાબાદમાં આવા પ્રકારનો પહેલો બનાવ છે. 12 વર્ષની આ નવરુનાને કેટલાંક અજાણ્યા સખ્શો 18 સપ્ટેમ્બરની અડધી રાત્રે ઘરમાંથી ઉઠાવી ગયા હતા. કિશોરીના પરિવારે જણાવ્યું કે આ સખ્શો બારીમાંથી ઘૂસ્યા અને તેમની પુત્રીને જબરદસ્તી ઉઠાવી ગયા હતા.

જોકે પોલીસ નવરુનાની ભાળ મેળવવામાં નિષ્ફળ ગઇ હતી. માટે નવરુનાના મિત્રોએ ફેસબુક પર એક 'સેવ નવરુના ગ્રૂપ' નામનું પેજ બનાવીને તેની શોધખોળ કરવાનું અભિયાન ચલાવી રહ્યા છે.

આ પેજમાં તેમણે લખ્યું છે કે 'અરુણાને નહીં બિહારની દિકરીને બચાવો. આજે અરુણાની સાથે થયું છે કાલે તમારી સાથે પણ થઇ શકે છે. જો કોઇને પણ અરૂણા અંગેની માહિતી મળે તો તુરંત મુઝફ્ફરપુર પોલીસને તેની જાણ કરો.'

English summary

Friends of an abducted 12 year old Bihar schoolgirl have taken to social networking sites in the hope of finding her after the state police treated them with indifference.