Gaud Train Accident: ડિબ્રુગઢ એક્સપ્રેસના 12 ડબ્બા પાટા પરથી ઉતર્યા, 2ના મોત

Published: Thursday, July 18, 2024, 18:55 [IST]

Gaud Train Accident: ઉત્તર પ્રદેશના ગોંડાથી ટ્રેન દુર્ઘટનાના સમાચાર સામે આવ્યા છે. ગુરુવારે ચંદીગઢથી ડિબ્રુગઢ જઈ રહેલી ડિબ્રુગઢ એક્સપ્રેસ સાથે આ અકસ્માત થયો હતો.

પ્રાપ્ત માહિતી અનુસાર, ડિબ્રુગઢ એક્સપ્રેસ પાટા પરથી ઉતરી ગઈ હતી. પ્રારંભિક અહેવાલો અનુસાર, ટ્રેનના 10 થી 12 ડબ્બા પાટા પરથી ઉતરી ગયા છે.

ડિબ્રુગઢ એક્સપ્રેસના એસી કોચને ખરાબ રીતે નુકસાન થયું છે. ગોંડા નજીક ઝિલાહી રેલવે સ્ટેશન પાસે આ અકસ્માત થયો હતો. ટ્રેન પાટા પરથી ઉતરી જતાં મુસાફરોમાં ગભરાટ ફેલાયો હતો. લોકો ડરથી ચીસો પાડવા લાગ્યા અને ટ્રેન ઉભી થતા જ ઝડપથી બહાર દોડી ગયા હતા.

અત્યાર સુધી મળતી માહિતી મુજબ, આ અકસ્માતમાં 2 લોકોના મોત થયા છે, જ્યારે 20 લોકો ઘાયલ થયા છે. રેલવે વિભાગ દ્વારા ઘટનાનું કારણ જાણવા તપાસ શરૂ કરવામાં આવી છે.

જિલ્લા મેજિસ્ટ્રેટે જણાવ્યું હતું કે, હાલમાં બે લોકોના મોત થયા છે, જ્યારે અન્ય બે ગંભીર રીતે ઘાયલ છે. આ સિવાય ઘાયલોને સારવાર માટે હોસ્પિટલમાં લઈ જવામાં આવી રહ્યા છે. હાલ રાહત અને બચાવ કાર્ય ચાલી રહ્યું છે.

રેલવે તરફથી પ્રાપ્ત માહિતી અનુસાર, ટ્રેન નંબર, 15904 - ડિબ્રુગઢ એક્સપ્રેસ ચંદીગઢથી ડિબ્રુગઢ સુધી ચાલે છે. ટ્રેન ગઈ કાલે રાત્રે 11:39 વાગ્યે ચંદીગઢથી નીકળી હતી.

ગુરુવારે, બપોરે 2 વાગ્યાની આસપાસ, ગોંડા અને બસ્તી વચ્ચેના ઝિલાહી સ્ટેશન પર ટ્રેન અચાનક મોટા અવાજ સાથે પાટા પરથી ઉતરવા લાગી. પ્રાપ્ત માહિતી અનુસાર, ટ્રેનના લગભગ 12 ડબ્બા પાટા પરથી ઉતરી ગયા છે.

ઉત્તર પ્રદેશના મુખ્યમંત્રી યોગી આદિત્યનાથે ગોંડા જિલ્લામાં આ ટ્રેન દુર્ઘટનાની નોંધ લીધી છે. તેમણે અધિકારીઓને તાત્કાલિક ઘટનાસ્થળે પહોંચીને રાહત કાર્યને ઝડપી બનાવવાનો નિર્દેશ આપ્યો હતો. આ ઉપરાંત ઘાયલોની યોગ્ય સારવાર માટે પણ સીએમઓ દ્વારા સૂચનાઓ જારી કરવામાં આવી છે.

Uttar Pradesh Chief Minister Yogi Adityanath takes cognisance of the train accident in the Gonda district. He directs the officials to reach the spot immediately and expedite the relief work; gives instructions for proper treatment of the injured: CMO

(file pic) https://t.co/ggCTJKwmq3 pic.twitter.com/FxmUZqzTqH
— ANI (@ANI) July 18, 2024

અકસ્માતનો ભોગ બનેલા મુસાફરો માટે હેલ્પલાઈન નંબર જાહેર

1.ગોંડા - 8957400965

2.લખનઉ - 8957409292

3.સિવાન - 9026624251

4. છાપરા - 8303979217

5.દેવરીયા સદર- 8303098950

So far one loss of life in
Dibrugarh Train derailment in Gonda Manakpur Section
Om Shanti pic.twitter.com/cUXYCZGteL
— Nandini Idnani 🚩🇮🇳 (@nandiniidnani69) July 18, 2024