ખેડૂતો માટે સારા સમાચાર, જલ્દી ચોમાસાનો બીજો રાઉન્ડ શરૂ થશે, જાણો શું કહ્યું હવામાન વિભાગે?
ચોમાસુ નબળુ પડતા ખેડૂતોની સ્થિતી કફોડી બની ગઈ છે. આ સ્થિતી વચ્ચે હવે હવામાન વિભાગે ખેડૂતોને સારા સમાચાર આપ્યા છે. હવામાન વિભાગનું માનીએ તો બહુ જલ્દી સારો વરસાદ જોવા મળી શકે છે.
ભારતીય હવામાન વિભાગના વૈજ્ઞાનિક નરેશ કુમારે માહિતી આપતા જણાવ્યુ કે, હાલમાં ચોમાસાનો નબળો તબક્કો ચાલી રહ્યો છે અને તેને થોડું અઠવાડિયું થઈ ગયું છે. તેનો પૂર્વી છેડો બંગાળની ખાડી તરફ દક્ષિણ તરફ વળ્યો છે.
આ સ્થિતીમાં ચોમાસુ એકાદ-બે દિવસ પછી તે ફરી સક્રિય થશે અને ત્યારબાદ ઓડિશા, છત્તીસગઢ અને આંધ્રપ્રદેશમાં ભારે વરસાદની અપેક્ષા છે, અત્યારે અમે તેના પર નજર રાખી રહ્યા છીએ. જણાવી દઈએ કે, આ વખતે હિમાચલમાં ભારે વરસાદને કારણે ઘણું નુકસાન થયું છે, પરંતુ તેમ છતાં દેશના ઘણા રાજ્યો એવા છે જ્યાં ઓગસ્ટ મહિનામાં સામાન્ય કરતા ઓછો વરસાદ થયો છે.
અહેવાલો અનુસાર, વર્ષ 1901 પછી આ વખતે ઓગસ્ટ મહિનો ખૂબ જ ગરમ રહ્યો છે. ઓગસ્ટ મહિનામાં ચોથી વખત ચોમાસાએ બ્રેક લીધો છે, જેનાથી વૈજ્ઞાનિકો પણ ચોંકી ગયા છે. હાલમાં ઓછા વરસાદનું કારણ સક્રિય અલ નિનો જણાવાઈ રહ્યું છે.
આગામી 24 કલાકની વાત કરીએ તો દિલ્હીમાં વરસાદની શક્યતા નથી. બીજી તરફ હિમાચલ અને ઉત્તરાખંડમાં ચોમાસાને બ્રેક લાગી છે. જો કે પરંતુ પંજાબ, હરિયાણા, યુપી, એમપી, બિહાર અને ઝારખંડમાં વરસાદ પડી શકે છે.
ઉત્તર-પૂર્વીય રાજ્યોમાં ભારે વરસાદની સંભાવના છે અને તેથી અહીં એલર્ટ જારી કરવામાં આવ્યું છે, જ્યારે કેરળ, કર્ણાટક અને તમિલનાડુમાં હળવાથી મધ્યમ વરસાદની પૂરેપૂરી સંભાવના છે અને તેથી વરસાદની ચેતવણી જારી કરવામાં આવી છે.
Click it and Unblock the Notifications
Sign in with Google
