અભિનેત્રી નગમા સાથે ધારાસભ્યએ કર્યું અસભ્ય વર્તન

મેરઠ, 24 માર્ચ: અભિનેત્રીમાંથી રાજનેતા બનેલી નગમાની સાથે એક એવી ઘટના બની છે, જેથી તે ઘણી અસહજ અને શરમજનક સ્થિતીમાં મૂકાઇ ગઇ. એક રિપોર્ટના અહેવાલથી કથિત રીતે હાપુડમાં રવિવારે ચૂંટણી પ્રચાર દરમિયાન કોંગ્રેસના સ્થાનિક ધારાસભ્ય ગરરાજ સિંહે નગમા સાથે અસભ્ય વર્તન કર્યું હતું. અત્રે ઉલ્લેખનીય છે કે નગમા મેરઠથી કોંગ્રેસની ઉમેદવાર છે.

જો કે ત્યારબાદ નગમાએ આ મુદ્દાને વધુ મહત્વ ન આપતાં છેડતીની ઘટના અંગે મનાઇ કરી દિધી હતી. સૂત્રોના જણાવ્યા અનુસાર જ્યારે નગમા પોલીસ અને સર્મથકોની ભીડ વચ્ચે ઘેરાયેલી આગળ વધી રહી હતી, તે દરમિયાન કોંગ્રેસ ધારાસભ્ય ગજરાજ સિંહ નગમાની તરફ હાથ આગળ વધારતાં જોવા મળ્યા હતા. નગમાએ તરત જ ગજરાજના હાથને ખસેડી દિધો હતો.

ચૂંટણી પ્રચાર દરમિયાન ચૌધરી ચરણ સિંહની પ્રતિમા સ્થળની પાસે સ્થાનિક ધારાસભ્ય દ્વારા નગમાના કાનમાં કંઇક કહેવું અને પછી નગમા દ્વારા ધારાસભ્યનો હાથ ખસેડાની ઘટનાની ચર્ચા આખા શહેરમાં થવા લાગી. નગમા ગાડીથી ઉતરીને ચૌધરી ચરણ સિંહની પ્રતિમા પર માળા અર્પણ કરવા આગળ વધી તે દરમિયાન ધારાસભ્ય ગજરાજ સિંહે નગમા મોંઢા પર હાથ લગાવી કાનમાં કંઇક કહ્યું. ત્યારે અચાનક નગમાએ ગજરાજ સિંહનો હાથ ઝટકી દિધો.

અત્રે ઉલ્લેખનીય છે કે આ બધુ પોલીસની હાજરીમાં થયું. પરંતુ જ્યારે નગમા સાથે કોંગ્રેસ ધારાસભ્યની આ હરકત વિશે પૂછવામાં આવ્યું તો તેમને છેડતીની વાતથી મનાઇ કરી દિધી. શનિવારે નગમા પોતાના સમર્થકોની સાથે ઉમેદવારી પત્ર ભરવા માટે આવી હતી. નગમાએ મેરઠથી પહેલીવાર ઉમેદવાર બનાવવામાં આવી છે. તો બીજી તરફ આ અંગે જ્યારે કોંગ્રેસ ધારાસભ્ય ગજરાજ સિંહને પૂછવામાં આવ્યું તો તેમને આરોપોને પાયાવિહોણા ગણાવ્યા હતા.

Lok Sabha Election 2014 Special Coverage

અભિનેત્રી નગમા સાથે ધારાસભ્યએ કર્યું અસભ્ય વર્તન