Haryana Assembly Election 2024 : વિનેશ ફોગાટ આ સીટ પરથી ચૂંટણી લડશે, જાણો બજરંગ પુનિયા ક્યાંથી મેદાનમાં ઉતરશે?

Haryana Assembly Election 2024 : પેરિસ ઓલિમ્પિકમાં છડયંત્રનો શિકાર બનેલી ભારતીય રેસલર વિનેશ ફોગાટ હરિયાણા વિધાનસભા ચૂંટણી લડવા જઈ રહી છે. બજરંગ પુનિયા સાથે હાલમાં જ તેને કોંગ્રેસ પાર્ટી જોઈન કરી છે.

કોંગ્રેસમાં જોડાયા બાદ અહેવાલો આવી રહ્યાં છે કે વિનેશ ફોગાટ જુલાના વિધાનસભા સીટ પરથી ચૂંટણી લડી શકે છે. અહેવાલો પર વિશ્વાસ કરીએ તો બજરંગ પુનિયા ચૂંટણી નહીં લડે.

વિનેશ ફોગાટને કોંગ્રેસમાં સામેલ કરવાને કોંગ્રેસનું વ્યૂહાત્મક પગલું માનવામાં આવી રહ્યું છે. તેની ઉમેદવારી પ્રદેશના યુવા મતદારો અને રમતપ્રેમીઓને આકર્ષિત કરશે.

રાજકીય વિશ્લેષકો માને છે કે વિનેશ ફોગાટની હાજરી જુલાના વિધાનસભા ક્ષેત્રની ગતિશીલતાને અસર કરી શકે છે. તેમની પ્રતિષ્ઠા અને સાર્વજનિક છબી મતદારોના અભિપ્રાયને પ્રભાવિત કરવામાં મહત્વપૂર્ણ ભૂમિકા ભજવી શકે છે.

સૂત્રો અનુસાર, કોંગ્રેસે 71 ઉમેદવારોના નામ ફાઇનલ કર્યા છે. કોંગ્રેસના ઉમેદવારોની પહેલી યાદી ગમે ત્યારે આવી શકે છે.

અહીં તમને જણાવી દઈએ કે, એક તરફ કોંગ્રેસની યાદીની રાહ જોવાઈ રહી છે તો બીજી તરફ બીજેપીમાં ભારેલા અગ્ની જેવી સ્થિતી છે. બીજેપીની યાદી જાહેર થતા રાજ્યમાં યાદવાસ્થળી જોવા મળી રહી છે.

હાલ હરિયાણામાં બીજેપી માટે એક સાંધે અને તેર તુટે જેવી સ્થિતી સર્જાઈ છે. કોંગ્રેસ આ સ્થિતીનો લાભ લઈને ઉમેદવારોની યાદી પ્રકાશિત કરવામાં વધારે વિચાર કરી રહી છે.

English summary

Haryana Assembly Election 2024: Vinesh Phogat will contest from which seat?