Haryana Assembly Elections 2024 : કોંગ્રેસની ઉમેદવારોની પહેલી યાદી જાહેર, જુઓ લિસ્ટ
Haryana Congress Candidate List 2024 : હરિયાણામાં રાહ જોવાઈ રહી હતી તે કોંગ્રેસની ઉમેદવારોની પહેલી યાદી જારી કરી દેવાઈ છે. આ લિસ્ટમાં વિનેશ ફોગાટનું પણ નામ સામેલ છે.
કોંગ્રેસે તેની પહેલી યાદીમાં 31 ઉમેદવારોના નામ જાહેર કર્યા છે. આ લિસ્ટમાં સૌથી ચર્ચિત નામ રેસલર વિનેશ ફોગાટને જીંદની જુલાના વિધાનસભા સીટની ટિકિટ આપવામાં આવી છે.
આ સિવાય પૂર્વ સીએમ ભૂપેન્દ્ર સિંહ હુડ્ડાને ગઢી સાંપલા કિલોઈ વિધાનસભા બેઠક પરથી ટિકિટ આપવામાં આવી છે. કોંગ્રેસે મુખ્યમંત્રી નાયબ સિંહ સૈની સામે મેવા સિંહને ટિકિટ આપી છે. આ સિવાય પાર્ટીએ હરિયાણા કોંગ્રેસ અધ્યક્ષ ઉદય ભાણને હોડલ વિધાનસભા બેઠક પરથી મેદાનમાં ઉતાર્યા છે.
જણાવી દઈએ કે, રેસલર વિનેશ ફોગટ અને બજરંગ પુનિયા આજે જ કોંગ્રેસમાં જોડાયા છે. હવે પાર્ટીએ વિનેશ ફોગટને હરિયાણા વિધાનસભા ચૂંટણીમાં ઉતારી દીધી છે.
કોંગ્રેસ પહેલા ભાજપે હરિયાણા વિધાનસભા ચૂંટણી માટે પોતાના ઉમેદવારોની યાદી જાહેર કરી છે. ભાજપે તેની પ્રથમ યાદીમાં 67 ઉમેદવારોના નામ જાહેર કર્યા છે.
कांग्रेस अध्यक्ष श्री @kharge की अध्यक्षता में आयोजित 'केंद्रीय चुनाव समिति' की बैठक में हरियाणा विधानसभा चुनाव के लिए कांग्रेस उम्मीदवारों की लिस्ट। pic.twitter.com/0GsZyTFDVD
— Congress (@INCIndia) September 6, 2024
આ લિસ્ટમાં ભાજપે લાડવા વિધાનસભા બેઠક પરથી મુખ્યમંત્રી નાયબ સિંહ સૈનીને ટિકિટ આપી છે. આ ઉપરાંત પૂર્વ ગૃહમંત્રી અનિલ વિજને અંબાલા કેન્ટથી મેદાનમાં ઉતારવામાં આવ્યા છે.
જણાવી દઈએ કે હરિયાણામાં 5 ઓક્ટોબરે વિધાનસભા ચૂંટણી માટે મતદાન થવાનું છે. 8 ઓક્ટોબરે વિધાનસભા ચૂંટણીના પરિણામો જાહેર થશે.
Click it and Unblock the Notifications
Sign in with Google
