Haryana Election 2024 : વિનેશ ફોગાટની સીટ પર બમ્પર મતદાન, જાણો 11 વાગ્યા સુધીના તમામ આંકડા

Published: Saturday, October 5, 2024, 13:37 [IST]

Haryana Assembly Election 2024 : હરિયાણા વિધાનસભા ચૂંટણી માટે આજે મતદાન થઈ રહ્યું છે. મતદાનની શરૂઆતથી જ મતદારોમાં ભારે ઉત્સાહ જોવા મળી રહ્યો છે.

અહેવાલો અનુસાર, હરિયાણામાં લોકો મતદાન શરૂ થતાની સાથે જ મોટી સંખ્યામાં મતદાન કરવા પહોંચી રહ્યાં છે. 11 વાગ્યા સુધીમાં રાજ્યમાં 22.70 ટકા મતદાન નોંધાયુ છે.

હરિયાણામાં વિનેશ ફોગાટની જુલાના સીટે તમામ લોકોને ચૌકાવ્યા છે. 11 વાગ્યા સુધીમાં આ સીટ પર બમ્પર મતદાન નોંધાયુ છે. આંકડા અનુસાર અહીં 11 વાગ્યા સુધીમાં 27.20 ટકા મત પડ્યા છે. જો કે વિનેશ ફોગાટ ખુદ પોતાને મત નથી આપી શકી, તે દાદરીના બલાલી ગામની મતદાતા છે.

હરિયાણામાં બમ્પર મતદાન સાથે સાથે બુથ કેપ્ચરિંગની પણ ફરિચાદો ઉઠી છે. જુલાનામાં બુથ કેપ્ચરિંગની ફરિયાદો બાદ બીજેપી ઉમેદવાર કેપ્ટન યોગેશ બૈરાગી ઘટના સ્થળે પહોંચ્યા હતા. અહીં લોકોએ તેમનો ભારે વિરોધ કર્યો અને ધક્કામુક્કી પણ કરી.

જુલાના સિવાય મહેન્દ્રગઢ, રોહતક અને ભિવાનીમાં મતદાન મથકો પર મારામારીના અહેવાલો છે. અહીં મારામારી અને પૂર્વ ધારાસભ્યના કપડાં પણ ફાડી નાખવામાં આવ્યાના સમાચાર છે.

આંકડા પર નજર કરીએ તો વિનેશ ફોગટની બેઠક જુલાના સહિત તમામ 90 બેઠકો પર સવારે 11 વાગ્યા સુધી 22.70 ટકા મતદાન થયું છે. હરિયાણાના તમામ જિલ્લાઓમાં સૌથી વધુ 27.94 ટકા મતદાન પલવલ જિલ્લામાં થયું. પંચકુલા સીટ પર સૌથી ઓછું 13.46 ટકા મતદાન નોંધાયુ છે.

જુલાના સિવાય જીંદ જિલ્લામાં જીંદ નરવાના, સફીદોન અને ઉચાના કલાન સીટો છે. સૌથી વધુ મતદાન જુલાનામાં થયું છે. જો આ વોટિંગ કોંગ્રેસ વિનેશ ફોગાટની તરફેણમાં થયુ છે તો ફરી બીજેપી જુલાનામાં ખાતું નહીં ખોલાવી શકે. વિનેશ સિવાય બીજેપીના કેપ્ટન યોગેશ બૈરાગી અને આમ આદમી પાર્ટીના કવિતા દલાલ મેદાનમાં છે.

11.00 વાગ્યા સુધીના જિલ્લાવાર આંકડા