Haryana Election 2024 : રેસલિંગ છોડીને વિશેન ફોગાટ રાજનીતિના અખાડામાં કેમ ઉતરી? ખુદ કરી દીધો ખુલાસો

Haryana Assembly Election 2024 : પેરિસ ઓલિમ્પિકમાં 100 ગ્રામ વજનને કારણે મેડલ ચુકી ગયેલી વિનેશ ફોગાટ હરિયાણા ચૂંટણી પહેલા કોંગ્રેસમાં જોડાઈ અને હવે ચૂંટણી માટે મેદાને પડી છે.

હરિયાણામાં વિનેશ ફોગાટ સાથે જે થયુ તેને લઈને ભારે ગુસ્સો છે. હવે વિનેશ ફોગાટે રાજનીતિમાં કેમ આવી તેને લઈને ખુલાસો કર્યો છે.

હાલમાં જ એક ઈન્ટરવ્યુમાં વિનેશ ફોગાટે રાજનીતિમાં આવવાને લઈને ઘણા ખુલાસા કર્યા છે. વિનેશ ફોગાટે ખુલાસો કર્યો કે આખરે એ કઈ વાત હતી જેને કારણે તે રાજનીતિમાં આવી ગઈ.

વિનેશ ફોગાટે કહ્યું કે, 2024 ઓલિમ્પિક પછીના સંજોગોએ મને આ નિર્ણય માટે પ્રેરિત કરી. લોકોની માંગ હતી કે હું તેમના અને તેમના બાળકો માટે મારી અંદરના યોદ્ધાને જીવંત રાખું. તેમણે સમજાવ્યું કે તેમનો નિર્ણય હાઈ-પ્રોફાઈલ રેસલરોના વિરોધ પછી ન્યાય માટે તેમની અથાક લડતથી પ્રેરિત હતો, જે મુશ્કેલીઓનો સામનો કરવા છતાં પરિણામ લાવવામાં નિષ્ફળ રહ્યા હતા.

જણાવી દઈએ કે, વિનેશ ફોગાટે એ ટોચના રેસલરોમાં સામેલ હતી જે ભારતીય રેસલિંગ ફેડરેશનના પૂર્વ વડા બ્રિજ ભૂષણ સિંહના વિરોધમાં રસ્તા પર ઉતરી આવ્યા હતા અને તેમના પર અનેક મહિલા કુસ્તીબાજોની જાતીય સતામણીનો આરોપ લગાવ્યો હતો.

વિનેશ ફોગાટે કહ્યું કે, અમે રસ્તાઓ પર લડ્યા, અમને શું મળ્યું? અમને અપમાન સિવાય કંઈ નથી મળ્યું. હું ઓલિમ્પિકમાં ગઈ. શું મને ન્યાય મળ્યો? અમને ક્યારેય ન્યાય નથી મળ્યો. રાજકારણમાં પ્રવેશ કરવો એ કોઈ પસંદગી નહીં પરંતુ એક આવશ્યકતા હતી.

English summary

Haryana Election 2024: Why did Vinesh Phogat join politics after leaving wrestling? Self explained