એ ફ્ક્ત હિન્દુ-મુસ્લિમોને લડાવે છે, તેજસ્વી યાદવના અમિત શાહ પર આકરા પ્રહાર

નરેન્દ્ર મોદી અને તેમની પાર્ટી બીજેપી સતત હિન્દુ-મુસ્લિમની રાજનીતિ કરી રહી છે ત્યારે તેજસ્વી યાદવે અમિત શાહ પર આકરા પ્રહારો કર્યા છે.

કેન્દ્રીય ગૃહમંત્રી અમિત શાહના નિવેદન પર તેજસ્વી યાદવે કહ્યું કે, આ લોકો મુદ્દાની વાત નહીં કરે અને બિહારની પ્રગતિ પર પણ વાત નહીં કરે. અમે ગૃહમંત્રીને પૂછવા માંગીએ છીએ કે શું તમે બિહાર માટે કરેલા તમામ વચનો પૂરા કર્યા?

તમે એ નથી જણાવતા કે તમે કેટલી નોકરીઓ આપી, તમે અગ્નિવીર યોજના શા માટે લાવ્યા? તમે મોંઘવારીનો અંત કેમ ન કર્યો? બે મહિના પહેલા કહ્યું હતું કે નીતીશ કુમાર માટે ભાજપના દરવાજા બંધ છે તો પછી દરવાજા ક્યારે અને કેવી રીતે ખુલ્યા?. તેઓ માત્ર હિંદુઓ અને મુસ્લિમોને લડાવી રહ્યા છે.

જણાવી દઈએ કે, કેન્દ્રીય ગૃહમંત્રી અમિત શાહ બુધવારે બિહાર પ્રવાસ પર ગયા પહોંચ્યા હતા. અહીં શાહે કોંગ્રેસને ઘેરી હતી. શાહે લાલુ અને સોનિયા ગાંધી વચ્ચેના રામમંદિર સંઘર્ષ પર પણ પ્રકાશ પાડ્યો હતો. તેમણે કહ્યું કે, અયોધ્યામાં ભવ્ય રામ મંદિરનું નિર્માણ થયું, જેને લાલુ યાદવ અને સોનિયા ગાંધીએ લાંબા સમય સુધી લટકાવ્યું.

અમિત શાહે એમ પણ કહ્યું કે, કાશ્મીર અમારું છે. કલમ 370ની જોગવાઈઓ નાબૂદ કરવામાં આવી. જોકે, લાલુ યાદવ અને વિપક્ષી ગઠબંધન તેને હટાવવા દેવા માંગતા ન હતા. આ સાથે અમે કાશ્મીરમાં આતંકવાદનો અંત લાવ્યા.

English summary

He only fights Hindu-Muslims, Tejashwi Yadav's attack on Amit Shah