ચેતજો, ક્યાંક તમે મીઠાંના નામે પ્લાસ્ટિક તો નથી ખાતા ને!
ચીનના બજારમાં મીઠાંમા પ્લાસ્ટિકના કણો ભેળવેલા હોવાની માહિતી મળી છે. જો ચીનમાંથી ખાદ્ય પદાર્થની વારંવાર થતી સપ્લાય શરૂ રહેશે તો શક્ય છે કે તમારી થાળીમાં પણ મીઠાંની સાથે પ્લાસ્ટિક જોવા મળે.
ચીનમાં મીઠું બનાવનાર 15 મોટી બ્રાન્ડના નમૂનાઓ લઇ વૈજ્ઞાનિકોએ તપાસ કરી હતી. મીઠાંની સાથે માઇક્રોપ્લાસ્ટિક કણ સામેલ હોવાનું તપાસમાં બહાર આવ્યું છે. વૈજ્ઞીનિકોએ રૉક સૉલ્ટ અને સી સૉલ્ટની તપાસ કરતાં સી સૉલ્ટમાં વધારે માત્રામાં પ્લાસ્ટિકના કણ જોવા મળ્યા હતા. એક કિલોગ્રામ મીઠામાંથી અંદાજીત 550થી 650 પ્લાસ્ટિક કણ મળી આવ્યા હતા.
વૈજ્ઞાનિકોએ આ પ્લાસ્ટિક કણ આવવાના મૂડ સુધી જવા પ્રયત્ન કર્યો તો જાણવા મળ્યું કે જે સમુદ્રની પાસે આ મીઠું પકવવામાં આવ્યું તે સમુદ્રમાં રહેલ શેલફિશમાં પણ આ જ કણ ઉપલબ્ધ છે. ત્યારે કંપનીનો મોટા ભાગનો કચરો સમુદ્રમાં ફેંકી દેવામાં આવતો હોવાનું માનવામાં આવી રહ્યું છે. આ કચરામાં ભારી માત્રામાં કેમિકલ્સ હોય છે જે પ્લાસ્ટિકના કણો પૈદા કરી શકે તેમ છે.
સમુદ્રને રસ્તે પ્લાસ્ટિકના કણ જો ચીનની થાળી સુધી પહોંચી શકતું હોય તે ભારતીયોની થાળી સુધી પણ પહોંચી શકે એમાં કોઇ શંકાને સ્થાન નથી.